影片
更多
2021-02-10
347 浏览
疫情雖然反覆不定，但冇阻我去飲茶嘅心情， 咁我就同朋友去附近飲茶， 咁見呢間鋿晶館係新開張， 咁就試下啦， 入到去其實裝修間格都乾淨企理， 見到啲裝修都有花心機去佈置，自己覺得都唔錯，咁我哋就叫咗以下點心：黑松露北菇燒賣王: 呢個真係即叫即蒸、熱度充足、熱辣辣，啲蝦都幾新鮮，同埋都幾大粒。上面D黑松露都係主角之一，因為加左佢，粒燒賣香口咗，自己覺得唔錯。月半彎晶瑩鮮蝦餃: 個蝦餃做得唔錯，啲皮都算薄，而且蝦亦都爽口鮮味， 呢個我覺得ok。 好過某啲大型集團式茶樓。馳名南翔小籠包: 呢個小籠包入面D豬肉同埋湯都整得唔錯， 豬肉都幾新鮮、而且湯亦都幾熱， 不過佢個皮就厚咗少少，如果皮薄的咁多就會好啲。和風老虎咬豬: 其實呢一個包我覺得都幾特別， 嚿豬肉固然好食啦， 而且佢用嘅包係用饅頭質地嘅包， 我覺得個包幾彈牙， 不過佢係用咗日式嘅沙律醬，所以如果有朋友唔係太食沙律醬嘅話， 就要考慮清楚。特色咱家蝦多士: 呢個蝦多士就真係堅有特色，因為佢用咗好多芝麻鋪咗喺上面，對於我呢個最鍾意食芝麻嘅人當然係非常愛好啦，而且佢個係用蝦作為餡料 ，所以幾樣嘢夾埋一齊，我覺得呢一個係推薦食品之一。濟寧蒜香蝦
黑松露北菇燒賣王: 呢個真係即叫即蒸、熱度充足、熱辣辣，啲蝦都幾新鮮，同埋都幾大粒。上面D黑松露都係主角之一，因為加左佢，粒燒賣香口咗，自己覺得唔錯。
月半彎晶瑩鮮蝦餃: 個蝦餃做得唔錯，啲皮都算薄，而且蝦亦都爽口鮮味， 呢個我覺得ok。 好過某啲大型集團式茶樓。
馳名南翔小籠包: 呢個小籠包入面D豬肉同埋湯都整得唔錯， 豬肉都幾新鮮、而且湯亦都幾熱， 不過佢個皮就厚咗少少，如果皮薄的咁多就會好啲。
和風老虎咬豬: 其實呢一個包我覺得都幾特別， 嚿豬肉固然好食啦， 而且佢用嘅包係用饅頭質地嘅包， 我覺得個包幾彈牙， 不過佢係用咗日式嘅沙律醬，所以如果有朋友唔係太食沙律醬嘅話， 就要考慮清楚。
特色咱家蝦多士: 呢個蝦多士就真係堅有特色，因為佢用咗好多芝麻鋪咗喺上面，對於我呢個最鍾意食芝麻嘅人當然係非常愛好啦，而且佢個係用蝦作為餡料 ，所以幾樣嘢夾埋一齊，我覺得呢一個係推薦食品之一。
濟寧蒜香蝦春卷: 呢個春卷就幾有越南特色， 因為佢個cutting就用咗越南色嘅切割， 而且炸得亦都幾香脆，而鮮蝦亦都外露出來令人食指大動， 本人覺得呢個春卷幾香口唔錯而且最大特色就係佢唔係用咗好多油去炸。 我自己覺得都唔需要點佢啲汁 因為都已經有鮮味。
最後我同朋友飲埋個普洱茶就閃人，茶我覺得都ok，不過個茶壺就重咗少少， 當然啦如果大家去開呢附近大家可以試下呢間及支持小店!
张贴
