Cafe Paradise (已結業)

平時好鍾意探索一d平民小店，因為小店有時質素唔會輸大集團。呢間野細細間，入邊幾靚，好有feel。因為早去，所以有位，食到咁上下，有客黎到，聽到侍應問佢哋有冇book，佢地話冇，適應話今日full左。原來我早到所以先有得食，如果唔係就full左。下次要食真係要book，如果唔係就gg。今日餐湯係忌廉湯，好多蜆肉，幾有口感！叫左個豬手黎食。豬手整到個皮好脆，一入口，出邊脆同香之餘，入邊熱同埋好有水份，真係整得唔錯！齋食個豬皮已經令我爽歪歪！好幸福。豬手肉質整得好有水份，唔會好似食雞胸咁乾，呢下先知點解要book檯先可以黎食，原來野食係高質既。最後上左個士多啤梨蛋糕。蛋糕口感滑，唔會好膩，整得啱啱好，順滑好食。間野真係唔簡單，平民細舖既cafe，但野食好有心思，係值得撐既有心思cafe，下次會再黎試下佢其他野食。