金源 (已結業)

夜晚行過呢個平民商場，觀乎食肆有幾間，包括老麥，大家樂，茶餐廳，最多人食就係呢間，一於入去。西蘭花炒蝦仁個白飯好大碗，點都夠飽。除左主菜，個餐係有一碟菜同埋送埋茶。碟菜係椰菜同埋有d粟米粒。應該落左鹽就咁煮熟，鹹鹹地，普普通通，但比較硬身。勝在有菜食，出街真係多數肉多。檸檬茶普普通通，略甜，又唔會過甜，大眾化。都比五片檸檬你，雖然檸味就唔多出。到主菜喇。就係西蘭花同埋蝦仁。西蘭花都係略偏硬。蝦仁就其實係急凍蝦碌，不過都算好食，好大隻，爽口彈牙，質感幾滿意。比左都有五大隻！唔會有雪味。調味就鹹鹹地，易入口。總括講，整體菜式其實唔算有咩特別，但我鍾意佢調味唔會太濃，有d菜食。同埋$62一d都唔貴，大碟食到飽，有良心。