麻酸樂米線專門店 (+WOO嘉湖一期) (已結業)

呢間麻酸樂以前成日都會全家去食早餐，不過已經係幾年前既事，好耐無再食過。今晚同男朋友係銀座睇完戲，我地都想食米線但又唔想食譚仔，就搵呢間麻酸樂黎醫下肚。我叫左碗酸辣米線，湯底都唔錯，用蕃茄做主調，我叫左墨丸同手絲雞加紅薯粉。墨丸唔會太粉，都有少少墨魚味，手絲雞就差d，肉質鞋左少少，同埋太大塊。男朋友就叫左清湯牛丸加扎肉。清湯就差d，我覺得太淡而且無鮮味。牛丸同扎肉就一般啦。不過低糖綠茶有d失望，因為有澀味，不過埋單先88蚊，都唔會話d咩既，算係咁啦。