影片
好多年前都经常食麻酸乐，但系近年米线餐厅越开越多，反而就少食咗呢间，今日咁啱经过谂住试吓佢哋嘅早餐。呢间餐厅环境有啲迫，座位唔系太舒服，不过早餐价钱都几相宜，就算错都冇所谓。叫咗两个早餐，一个系双拼早餐，榨菜鸡丝同埋燕饺。榨菜鸡丝份量都OK ，但系榨菜好硬，鸡丝好干柴，肉燕饺都唔好食，真系得个平字。另外一个餐系C餐，都系叫咗榨菜鸡丝，不过呢碗就比较细啲。蛋同面包就正常发挥无特别。虽然呢个价钱算系几抵，但系真系唔会再有下次，因为啲𩠌真系几难食。
继续阅读
原来下午茶返都好抵食，30几蚊一碗面仲可以加一个小食加埋嘢饮。食物质素就一般中规中矩我觉得金银花芫荽汤底可以encore都几清。小食份量就系比较细的，手撕鸡，皮蛋豆腐，都系得两啖左右😂但咁嘅价钱都可以接受。沙嗲牛肉面再加厚多士肠仔蛋都系$37蚊。主要系加嘢饮都唔使加太贵，最啱谂唔到食咩嘅时候真系有好多除咗平时茶餐厅嘅下午茶餐外仲可以拣唔同汤底嘅米线，米粉乌冬，仲有一只台式嘅饭拣迎合晒唔同人嘅需要。
继续阅读
每次大家讲亲天水围美食，十个有八个都会讲丽x,我唔系话佢唔好食，但系其实仲有好多选择！今次私心推介天水围cp极抵下午茶.地点位于天水围银座，非常方便！下午茶$40有找，单并米线自选汤底，仲要有小食，仲要唔系颓食！私心推荐，麻辣汤底，可以自选辣度！仲要有麻辣肉碎！酸辣汤底都OK，但就唔系大家平时食开𠮶种！配料通常必定会拣香茅骨，香口惹味小食方面，我今次拣咗麻酸汁皮蛋豆腐加麻辣鸡丝，但系本人唔食皮蛋，所以走咗！
继续阅读
本身谂住食隔离一粥面，点知冇晒位就去呢间麻酸乐米线专门店试下，见佢餐牌都几多选择，有饭🍚有米线🍜。自选乜乜乜都只系$35起！都几平下😮咁我就叫左呢个餐，配料系蟹棒（4条）+烟鸭胸（3片），配料我就觉得选择不多，如果可以要多少少就比较好😳汤底叫左麻辣肉碎汤底少辣，个汤都几入味，辣辣地好开胃又香口，仲送热绿茶/冻低糖绿茶，不过转其他热饮就要加$3，如果唔加一个𩠌同饮佢送既饮品真系可以$35埋单，都真系几抵食😂👍🏻
继续阅读
今日黎到麻酸乐食米线，辛苦完叫左个四𩠌大麻辣米粉，有牛丸、墨丸、鲜牛肉同卤蛋。汤底感觉上冇落太多味精，至少唔会口渴。牛丸、墨丸质感唔错，其他就正常发挥。环境够大，适合晏就自己慢慢食下野。
继续阅读