麻酸樂米線專門店 (+WOO嘉湖一期) (已結業)

好多年前都經常食麻酸樂，但係近年米線餐廳越開越多，反而就少食咗呢間，今日咁啱經過諗住試吓佢哋嘅早餐。呢間餐廳環境有啲迫，座位唔係太舒服，不過早餐價錢都幾相宜，就算錯都冇所謂。叫咗兩個早餐，一個係雙拼早餐，榨菜雞絲同埋燕餃。榨菜雞絲份量都OK ，但係榨菜好硬，雞絲好乾柴，肉燕餃都唔好食，真係得個平字。另外一個餐係C餐，都係叫咗榨菜雞絲，不過呢碗就比較細啲。蛋同面包就正常發揮無特別。雖然呢個價錢算係幾抵，但係真係唔會再有下次，因為啲餸真係幾難食。…查看更多

原來下午茶返都好抵食，30幾蚊一碗麵仲可以加一個小食加埋嘢飲。食物質素就一般中規中矩我覺得金銀花芫荽湯底可以encore都幾清。小食份量就係比較細的，手撕雞，皮蛋豆腐，都係得兩啖左右😂但咁嘅價錢都可以接受。沙嗲牛肉麵再加厚多士腸仔蛋都係$37蚊。主要係加嘢飲都唔使加太貴，最啱諗唔到食咩嘅時候真係有好多除咗平時茶餐廳嘅下午茶餐外仲可以揀唔同湯底嘅米線，米粉烏冬，仲有一隻台式嘅飯揀迎合晒唔同人嘅需要。…查看更多

因為有網上外賣平台coupon，所以嗌咗外賣自取，叫咗佢嘅招牌咖喱吉列豬扒飯份量都好大，同埋個咖喱汁都幾惹味為返都係40幾蚊，另外我就唔想食飯嗌咗個雲耳涼拌青瓜加有機龍崗雞麻酸汁。加埋都係$100鬆啲，啱啱可以用兩張信用卡嘅優惠券。我本身好鍾意食呢個涼拌雲耳，因為佢嘅調味唔會太重，但係又幾香唔會死鹹，都食得出雲耳同青瓜嘅鮮味，但加少少酸汁好開胃。有機龍崗雞其實都好食嘅個汁就係偏重口味但唔太辣，但係份量就比較少。對於原價40幾蚊嚟性價比就唔係好高。但用優惠券就OK啦下次晚餐再諗唔到食咩可能都會再encore。…查看更多

每次大家講親天水圍美食，十個有八個都會講麗x,我唔係話佢唔好食，但係其實仲有好多選擇！今次私心推介天水圍cp極抵下午茶.地點位於天水圍銀座，非常方便！下午茶$40有找，單併米線自選湯底，仲要有小食，仲要唔係頹食！私心推薦，麻辣湯底，可以自選辣度！仲要有麻辣肉碎！酸辣湯底都OK，但就唔係大家平時食開嗰種！配料通常必定會揀香茅骨，香口惹味小食方面，我今次揀咗麻酸汁皮蛋豆腐加麻辣雞絲，但係本人唔食皮蛋，所以走咗！…查看更多

本身諗住食隔離一粥麵，點知冇晒位就去呢間麻酸樂米線專門店試下，見佢餐牌都幾多選擇，有飯🍚有米線🍜。自選乜乜乜都只係$35起！都幾平下😮咁我就叫左呢個餐，配料係蟹棒（4條）+煙鴨胸（3片），配料我就覺得選擇不多，如果可以要多少少就比較好😳湯底叫左麻辣肉碎湯底少辣，個湯都幾入味，辣辣地好開胃又香口，仲送熱綠茶/凍低糖綠茶，不過轉其他熱飲就要加$3，如果唔加一個餸同飲佢送既飲品真係可以$35埋單，都真係幾抵食😂👍🏻…查看更多

今日黎到麻酸樂食米線，辛苦完叫左個四餸大麻辣米粉，有牛丸、墨丸、鮮牛肉同鹵蛋。湯底感覺上冇落太多味精，至少唔會口渴。牛丸、墨丸質感唔錯，其他就正常發揮。環境夠大，適合晏就自己慢慢食下野。…查看更多

麻酸樂米線專門店📍天水圍天恩路12-18號+WOO嘉湖1期1樓138號舖同朋友去完屏山圖書館，本來想帶佢食新北江好出名嘅米線，但居然撞正佢休息，所以要轉場去銀座搵食。其實銀座嘅餐廳選擇唔多，大部分都係連鎖店，所以我哋就揀咗去呢間唔係咁常見嘅餐廳食。我仲記得中學時期有特登早啲起身同朋友嚟麻酸樂食早餐，不過晚餐真係第一次！[價錢 Price] 💰$148二人同行 👩🏻‍❤️‍👨🏻前菜：生煎蔥肉餅 🍘本來以為肉餅係豬肉餅，點知原來係生煎肉包仔，唔好睇佢好似平平無奇，一咬落去啲汁噴到成枱都係，勁驚訝！而且外皮好香脆，油熱辣辣，前菜嚟講都幾特別！不過應該係現成急凍嘅肉餅，之前都試過喺凍肉專賣店買過類似嘅嘢返去用氣炸鍋炸嚟食，咁嘅價錢有四件算性價比好高啦！湯：黑魚片皮蛋豆腐芫茜湯 🍲黑魚片夠晒嫩滑，食咗咁多塊都無一塊食到有骨嘅，大讚！皮蛋係有雪花嘅，非常濃味，豆腐亦都好滑，個芫荽湯比較似羹，清清地幾好味。主菜：椰香咖哩魚柳煲 🥘慢煮特級豬腩肉伴滷水蛋 🐖🥚滷水蛋滷水味濃，蛋有少少過熟所以蛋黃散散哋，但味道係ok嘅。豬腩肉唔會韌，不過我呢啲怕肥人士就略嫌佢太多肥肉，所以將啲肥肉俾晒我個大把quota嘅朋友食！成個拼盤嘅重點係伴碟嘅菜脯粒同雜菜粒，微酸微辣，夠晒醒胃，撈飯一流！配送：白飯兩碗 🍚 (+$6可轉肉燥飯一碗)飲品兩杯 (冷熱同價)晚市呢個價錢，食到一個前菜、兩個小菜、一個湯同兩碗飯，仲包埋凍飲，真係好抵食！惟一要挑剔嘅就係佢嘅飯煮得比較爛，可能佢始終係賣米線為主嘅，所以比較少人叫飯嚟食。…查看更多

行過見到餐牌入面都有好多嘢食又有米線又有飯仲有火鍋到最後兩個人點咗個..✨蕃茄綜合牛魔煲套餐🍲$168首先個蕃茄湯底都好濃、好夠味而且好多蕃茄🍅跟餐有三拼牛肉（鮮牛肉、牛滑、肥牛）牛肉同肥牛都正正常常但係牛滑質素好差，就算煮熟都係食落一per嘢咁，滑潺潺嘅感覺，不太喜歡。仲有特選配料拼盤加唐生菜🥬入面有丸、蟹柳、雲耳、金菇等等麻辣豬耳繩一啲都唔辣！但係就都幾香同幾濃味😋套餐包兩杯凍低糖綠茶🍵綠茶幾好飲有茶味！總括而言：除咗牛滑質素差之外，其他都正正常常，不過要加多啲肉先夠飽。🌟沒有+1服務費…查看更多

今日同屋企人去咗天水圍食一間麻酸樂，呢一間食物超有水準，超級值得推介，所以一定要嚟食！呢一間餐廳出名係米線，同埋肉燥飯，嚟到一定要試吓佢個米線，佢有唔同嘅湯底，亦都有唔同劇配料，而且配料嘅種類都幾多，一定會選擇到適合你嘅口味，餐廳嘅位置都好方便，位置於天水圍的銀座站，一落車，行三4分鐘就會到呢一間餐廳所以呢一間餐廳天水圍人一定要去，然後屋企人叫咗個肉燥飯，佢嘅份量十足，而且我覺得佢個擺盤好靚，好開胃，而且肉類份量都好夠，肉類都好新鮮，所以我覺得呢一間餐廳好有水準，一個人食都唔會怕肥，而且佢個米線湯底都好夜魅，有豬骨湯底，或者蕃茄湯底，我最鍾意叫豬骨湯底，因為真係好入味，而且佢有菜，所以我覺得好健康，識落沒有罪惡咁，我覺得好好食，而且佢仲有小食選擇，如果唔想食飯類，都可以食小食，都係超級好食，所以你到天水圍，一定要食呢間呀…查看更多

早餐黎講都幾吸引，成日放假都食依度早餐，最鍾意食番茄豬排米線套餐 抵食！ 但香腸就麻麻地 無咩雞肉味！建議買外賣既話 可以先打電話叫 之後落黎拎 因為假日都好多人黎食 等好耐…查看更多

早餐都係一般有香腸/火腿煎蛋，多士再加碗湯粉湯麵！呢度湯粉湯麵都算大碗，選擇都係不外乎有沙嗲牛肉/榨茶肉絲/肉燥鯊魚丸等等！不過食咗咁多次，我個人覺得米粉底係最好食！而香腸就好伏，非一般廚師腸，條腸軟身無乜腸味，可以歸類為難食！揀火腿正常D。沙爹牛肉都係無特別但有金菇，要性價比高，可以揀手打肉丸魯肉配米粉！呢間長期唔夠人手，樓面永遠只見到3個人，見佢哋做到無停，所以有時要俾啲耐性等等等！雖然食物屬一般，不過假日唔出城，我都會係呢度食早餐，因為佢早餐到12:00😅😅…查看更多

曾經有好多間分店既它 依家好似得返一間咋🥺手撕雞撈紅薯粉(麻辣汁) $49我最愛的撈薯粉🥰食過無數次 今日終於要分享下 大大碗 手撕雞份量多 麻辣汁好好味😋佢既麻辣汁唔係四川個啲麻辣喔〰️而係辣既麻醬 帶有花生醬🥜我自己真係超中意 每次都叫佢多汁🤣！仲有其他配料 花生 紅蘿蔔絲 芽菜 青瓜等等〰️撈埋一齊超正 連我呢個小鳥胃 每次都可以食得曬成碗架😜👍🏻…查看更多

以前係錦薈坊嗰間成日都幫襯，貴貴哋都忍唔住成日食，個麻辣湯米線最好味😋鍾意到連湯都飲埋，希望可以重新係屯門開番店，而家得返天水圍一間，又唔就腳所以好耐冇去食......…查看更多

話說今日繼續係銀座揾食，次次食米線都去譚仔，對麻酸樂永遠都過門不入其實我對呢d 坐係出面既餐廳真係無乜好感，又唔係outdoor，淨係喺商場劃個位俾客坐，根本唔會坐得舒服好啦都係講返食物吧因為懶，所以唔打自己食左乜，直接show 張單就算首先講左老公個手撕雞撈薯粉先首先個份量都幾多，我就一定唔會食得曬，除左雞，仲有d 花生、蛋皮、青瓜，都係典型撈麵會有既配菜個麻醬花生味唔重，對我而言係讚的，因為我根本不喜歡花生但係成個醬撈曬落個麵度都偏咸，所以食既時候要小心d 唔好一次過落曬黎撈跟餐有加六蚊既凍奶茶，正正常常啦飲得過既，只係唔會自己正價俾錢買杯黎飲咁解呢個就係我叫既麻辣肉碎湯底小辣配冰豆腐薯粉老實講真係好失望麻辣肉碎湯底小辣明明係睇字都覺得吸引既配搭黎，但係呢個係無咩味既version肉碎又少，小辣真係唔辣，仲有麻辣又去左邊？？？成碗野淡茂茂真係食得好唔開心，枉佢個名叫麻酸樂呢間野真係無下次…查看更多

咁今晚唔知食咩好，想食撈薯粉，就黎左依到。咁就叫左個手撕雞麻醬紅薯粉撈，咁一黎到都覺得薯粉分量都好多。但係手撕雞就有啲少，而其他配料既分量都唔多，所以好似剩係得薯粉咁。如果佢可以多番啲料就好，食落都會覺得豐富啲。之後仲比左個麻醬我比我撈，咁撈落都好食既。係覺得如果料可以多啲就好。之後仲叫左個凍皮蛋豆腐，個汁都好味既，豆腐都有豆味，都幾大舊，分量都多既。之後上面既皮蛋都幾好食，成碟都唔錯。最後跟餐仲有杯茶，都可以解膩。…查看更多