馥苑海鮮酒家

营业中

休息中

以為又會中哂彈咁出嚟，七八成嘅點心又有質素喎。迷你鳳爪排骨飯，好好食！鳳爪排骨正常嘅味道，個飯粒粒分明有咬口，加埋鼓油，正。釀涼瓜，豬肉肥啲之外，仲幾鐘意加咸蛋黃哩個配合。鴨腳札我淨係食咗個皮，但我見到入面唔知做咩包咗條肉餅。追加迷你梅菜肉餅飯，個人都係偏好鳳爪排骨多啲，因為肉餅搞得太碎，無乜口感。突然想食炸物，就點咗炸雲呑，入面粒肉好細粒，但我享受嘅係個塊又炸得幾靚，脆卜卜嘅雲呑皮，點埋個甜酸汁就更滋味啦。最後哩碗一搞就碎哂嘅灌湯餃，味道都唔使提了。