影片
更多
2008-05-28
23 浏览
2008年5月27日, 去左呢間維苑餐廳到食飯, 因為周圍都無位又執晒笠...都唔諗住expect d咩, 求期食餐飯jei. 去到出面個人就笑笑口帶我同男朋友入去坐, 我地就叫野食啦, 跟住個金毛伙計就埋黎寫野, 其間就不停咁四圍指揮其他人做野, 都唔係聽我落order既, 寫完我個set 之後, 佢就好忙咁pass 左俾另外個同事幫我地繼續落order.之後, 飲完d難飲既湯, 等左一陣, 我個焗飯就黎啦, 我一望, 個飯錯左喎,我係要葡汁銀雪魚雞扒飯禍 , 唔係銀雪魚冬菇飯,個飯仲要$73), 我叫個個48咋喎. , 我緊係第一時間搵落單個個金毛問啦, 叫左好耐, 佢先得閒過黎, 我問:"黎錯左喎, 我要葡汁銀雪魚雞扒飯, 唔係冬菇!"金毛態度好差咁話:"我地無葡汁銀雪魚雞扒飯喎!" 我 : "唔係喎, 你餐牌個自選焗飯喎!"金毛話: "個個暫停供應喎!"我 : :"下, 你落單時都無同我講!! 我點知喎..."金毛開始勁黑面, 好寸既態度話 "咁樣我地好難做" (之後自己再係到講野, 因為太嘈, 我聽唔到! 都係話我唔岩之類)我 : "我想換過喎! 我唔要呢個啦! "金毛
2008年5月27日, 去左呢間維苑餐廳到食飯, 因為周圍都無位又執晒笠...都唔諗住expect d咩, 求期食餐飯jei.
去到出面個人就笑笑口帶我同男朋友入去坐, 我地就叫野食啦, 跟住個金毛伙計就埋黎寫野, 其間就不停咁四圍指揮其他人做野, 都唔係聽我落order既, 寫完我個set 之後, 佢就好忙咁pass 左俾另外個同事幫我地繼續落order.
之後, 飲完d難飲既湯, 等左一陣, 我個焗飯就黎啦, 我一望, 個飯錯左喎,我係要葡汁銀雪魚雞扒飯禍 , 唔係銀雪魚冬菇飯,個飯仲要$73), 我叫個個48咋喎. , 我緊係第一時間搵落單個個金毛問啦, 叫左好耐, 佢先得閒過黎,
我問:"黎錯左喎, 我要葡汁銀雪魚雞扒飯, 唔係冬菇!"
金毛態度好差咁話:"我地無葡汁銀雪魚雞扒飯喎!"
我 : "唔係喎, 你餐牌個自選焗飯喎!"
金毛話: "個個暫停供應喎!"
我 : :"下, 你落單時都無同我講!! 我點知喎..."
金毛開始勁黑面, 好寸既態度話 "咁樣我地好難做" (之後自己再係到講野, 因為太嘈, 我聽唔到! 都係話我唔岩之類)
我 : "我想換過喎! 我唔要呢個啦! "
金毛 : "咁你睇下要咩先喇! "
之後劈低個menu 俾我就走左, 碟錯左既飯都無拎走.
跟住我揀好啦, 又yup左好耐叫佢過黎,
我就話: "唔該, 我要轉墨魚餅雞扒飯"
金毛無應我. 係到眼超超.
之後我再讀清楚d 個飯既全名俾佢聽. 佢都無應我, 仲係到發脾氣咁好大力寫落佢本簿,都無應我, 轉身就走, menu 都無收就 !
我真係勁嬲,咩事呀依家, 依家係我錯咩? 佢係到發我脾氣....... 咁我都唔係叫個樣, 仲要貴咁多, 我要換都好正常jei !
好啦行左去啦, 跟住我個位好近個d擺用過既碗蝶個兜, 佢好大力係到發脾氣掟d碗蝶落去, 好大聲方死我聽唔到, 之後我唔理佢, 佢行個我個位時, 好寸咁既樣 特登發出d "超...呀, shu 呀..咁既聲!" 之後就行左去.
我真嬲到爆, 我完全唔想再食.....如果唔係我bf d野黎晒, 我真係即刻取消晒所有野走! 今時今日咁既服務態度........真係好差! 全間餐廳都係個個人負責落單既......
你地去既時候領略下啦...
講返d野食, 個飯最後都有黎, 個墨魚餅韌到咬唔爛, 仲要有d縮縮地, 但係我都無再出聲, 淨係想快d走, 唔想食........ 我bf 個牛扒都韌到唔知點食..
總之一間service 差到咁, 野食又唔得既餐廳, 我死都唔會再去! 成餐背瘠骨落....
张贴