影片
食记 (96)
之前去过其他的维苑餐厅, 普普通通, 谂住葵新都会广场间都得挂?!! 咪食晏去啰, 点知.........去到谂住唔好求求其其食过 set lunch, 对自己好啲, 见到餐枱纸有个<皇牌焗饭系列>, 有个<银鳕鱼焗饭>,影得好吸引!! 单头价大约$48, 加餐加$20, 成$68!! 食个 set lunch 大约$30 - $40, 不过都照叫啦!!个饭嚟到, 吓.......... 我望吓个饭, 望吓张餐枱纸, 再望吓𠮶饭...... 𠮶心谂.... 系咪房跌咗旧银鳕鱼落地呢???? 成$68 𠮶餐, 得一"粒" 银鳕鱼同 3只冬菇!! 最惨系, 𠮶粒银鳕鱼都唔够佢餐厅只 table spoon 咁大!!! 有相为证我心谂: 咪近排 D 鳕鱼好贵咩??? 于是我攑手叫伙记!! 谂住叫个经验好少少嘅女待应过嚟处理啦, 点知真系够经验!! 望到都唔行埋嚟... 我攑咗手好耐!! 结果, 我叫咗𠮶 trainee... 反而佢仲有 heart, 听完即刻揾个高级 D 的同事嚟问 (唉! 即系𠮶个, 望到我都唔理的女待应), 我已见到佢好肤显的应个 有 heart trainee, 跟住行开, 有 heart trainee 听完就个样好无耐!! 于是, 我小震震, 唔食, 一直攑手直到我叫到个女待应嚟......我问: 唔该帮我问问厨房, 个饭系咪得一旧鱼?? 佢黑住个样, 求求其其行去厨房, 嘥嘥个咀, 跟住四围做野, 唔行埋嚟, 但系又望吓我!! 呢 D 跟本唔系服务态度我死都唔食 坐响到望住佢, 等......!! 起码等咗 5分中, 佢黑口黑面行返嚟同我讲 : 厨房话系一旧鱼呀! 我即刻讲: 咁你哋将餐枱纸张相点解影有两块银鳕鱼, 依家个饭得一 "粒"银鱼!!! 佢听完就闪开.... 完全唔理我我格嚟有两位太太, 睇唔过眼!! 都同我讲 : 我哋本来都想叫𠮶个<银鳕鱼焗饭>, 不过见到你嚟个饭咁...... 我哋都唔叫勒!! 超级失望
继续阅读
下次一定唔会再去 今日同朋友食lunch，见到A-1要等位，于是去左隔离维苑餐厅，等左一阵，就有人带我地入去，俾左个路口位我地，其实唔钟意坐路口，因为通道同座位都太窄，坐得唔舒服但系繁忙时间坐满人，所以惟有坐低。坐低左又无人理我地，叫个侍应过黎，行到埋黎就拎住本簿想落单，menu都未有咁啱见另一个侍应拎住几份menu经过，咪叫佢俾份menu我，举手落order，好耐至有人理我地......朋友叫左5成熟牛柳配意粉，我叫左5成熟西冷牛扒配薯菜，落完order，等左超过15分钟，先至送左餐汤同餐包，我一边饮汤，个金毛侍应企正响我后面「大大声」指挥其他人做野，简直觉得骚扰...之后又等左差不多15分钟，送左两份扒过黎，上台之后，朋友个5成熟牛柳暖暖地，唔够热又无烟，我个5成熟西冷牛扒温度就够，可惜卖相完全唔得，似猪扒多Ｄ，形状奇怪又细块，薯条少得可怜，椰菜、红萝卜、粟米等配菜占全碟1/3位置问侍应拎左支茄汁就开餐啦，朋友个牛柳都可以，真系5成熟，但我个西冷实在唔开胃，切开唔止5成熟，入口「鞋烚烚」无味，算啦，至在填饱个肚......朋友食完先，好快有人收走块铁板，到我都食完，等极都未有人执野，于是我举手揾侍应，有个女仔目无表情行过黎，我同佢讲叫拎走个铁板，佢好似游魂唔知我讲咩，即刻火都黎埋之后问我地要咩餐饮，我地要左两杯冻柠茶，一杯少甜，由于个黑椒汁太辣，食完之后觉得呛喉，朋友系咁饮水，等极都未见到冻柠茶，终于等到冻柠茶上场，个侍应又无讲边杯少甜，咪问佢，点知佢话两杯都系少甜好在朋友唔介意。以为所有野都完结啦，点知好戏在后头饮紧柠茶，忽然有只手隔住个屏风伸过黎拎左支茄汁，吓左我一跳，原来系头先个金毛侍应拎支茄汁俾隔离枱，非常无礼貌，我即时想闹人朋友话都系算数啦，无谓教精佢......谂住坐多左一阵，点知另一个侍应经过踢到我张櫈，一Ｄ反应都无，好似无事发生过咁算数，即刻埋单，$127.4，摆低$128，即走，无眼睇......佢俾左一叠10张$10cash coupon我地，食$25当$10用，不过，我相信我唔会再去，无谓揾气黎受，食物同服务都唔得，侍应无礼至极，实在未见过一间咁差既餐厅
继续阅读
想打0下维苑食评...其实好耐年前(十年？)上水0岩0岩开0左维苑...我都有去食扒...系好好味的...之后都仲有间唔中食0下tea...直至前几年觉得麻麻就冇再去食喇...今日去食葵芳呢间,,,,眼见佢其他分店0系openrice都系大比数差劣(服务+食物)...我相呢个真系事实0黎...话说今日雪国开张...但门口姐姐话唔再派飞...咁我就话0左0黎维苑...(0岩0岩两点开始tea time)一行三人...(我叫0左肉酱意粉$25....两人叫0左Q版焗饭$28~29)Q版焗饭0黎都唔算耐...但份量超细(半碗饭.....都唔知有冇tim呀)...但我个意粉就真系好耐喇...初头佢俾错碟肉片意我...我叫佢换...吹0左都有六﹑七次.....最后要成大半个钟先0黎....如果我唔吹佢...我谂佢收舖先会舍得拎0黎...真系有冇搞错...！！肉酱意粉...味道..又唔可以话唔好食...但都系属于唔好食啰...我最讨厌0既红树林都好味过佢....同埋我发觉呢个集团好钟意请0的金毛仔呀0个0的后生仔0黎做0野...但真系唔得啰..个个都好似发梗梦咁....吹佢九廿次..人0地叫佢...佢就已经唔记得帮我跟单.埋单加埋一....每人都要成$30...个环境....红树林我都已经觉得好污糟...呢间0野比红树林仲哀....两张台...一张居然系折台...搞到两张台高低不平...间隔既屏风.....石屎钢筋外现...(危楼主题？....冇人知)价钱贵+食物差+服务差+环境差....间0野捞0左咁耐都唔执...我深信都可以入得香港十大诡异事件之一了...
继续阅读
基本上我不喜欢去维苑,但当晚朋友们突然话要食扒...见其他食肆又大排长龙,我都顺从大家意愿落order之后,等了超过15分钟,才来餐汤和餐包,餐包冻,罗宋汤超咸两个朋友叫了杂扒餐,我叫了西冷牛扒配鸡翼西冷牛扒入口几淋,我本来就没什么期望,不过一点牛味都没有,似块猪扒多一点...只能填得饱个肚服务更加失败...超慢...
继续阅读
自己试过同埋听过朋友讲 : "麻麻地".... 但系, 礼拜六晚再去试 : 得 woo!!朋友食 dinner set 既 7成熟牛柳餐, 我食 "维苑推介焗猪扒饭"牛柳真系刚刚好 7成熟, 听朋友讲 : 估唔到呢度整得几好味!!维苑推介既焗猪扒饭, 系推介 "芝士" "莎乐美肠" "饭"!!初初唔明 "饭" 有咩特别啦!! 一食就明啦!!用蛋丝炒过既饭!! 食落啖啖都系干身既饭粒!! 食落唔觉 "刘"!! 唔似出面好多既焗饭咁, 感觉一 "pat pat"!!每一匙既饭, 都食到 "野" 味既莎乐美肠+蕃茄+芝士既味道!! 好好味呢!!仲有主角既 "猪扒"!! 撇开面既焗香左既芝士, 发现成块既猪扒已经切开一条条!! 好细心咁对待顾客呢!! 而且, 食落发现一 d 都唔硬 (好多地方可能因为担心猪扒唔够熟, 都会整到块猪扒食落硬硬地既感觉)!! 我估可能, 佢地唔系好多出面既餐厅咁, 先烚熟后焗, 我估系成块生猪扒一齐焗~~至于 "环境卫生" 同埋 "服务" 方面, 虽然未至于非常好!! 但系都尚算 ok 既!!
继续阅读