影片
更多
2015-07-04
1824 浏览
姪仔一月初出世，話咁快就半歲人仔啦，我就咩都無幫手，只係識得食同攪攪震，又借呢個半歲生日黎約食飯，叫做慶祝一下嗎。屋企人中意食中菜，但帶住小朋友去酒樓係一件勁辛苦既事，所以我諗私房菜會係一個唔錯既選擇，係朋友介紹下，搵到觀塘既御膳，位置都好方便，附近仲有得泊車。訂位後仲可以用whatsapp同餐廳預訂海鮮或指定菜式，完全體貼到我地呢d要翻工，又想忙下自己野既人。餐廳位於工廈內，間格闊落，坐得好舒服又唔會好嘈。我地7點3左右到，都未坐滿人，點知，唔駛30分鐘就全店滿座。麻辣鹵水大拼盆 （$120）：麻辣金錢肚，麻而不辣，又咬口又唔硬，豬大腸，非常既稔，好重鹵水味，有種入口即化既感覺，手撕雞拌上爽脆青瓜，非常清新。花雕蛋白蒸龍躉球（$198）：蛋白好香滑，食落仲有魚既鮮味同陣陣酒香，龍躉球都好大塊，啖啖肉，而且吸收左花騅既香味，真係令人回味。避風塘炒大肉蟹（$398）隻肉蟹份量十足，師傅仲用左大量炸蒜去炒蟹，保存傳統風味，火侯十足，惹味。梅子果皮蒸大肉蟹（$398），我個人比較中意嚐鮮，有好既食材用簡單做法會比較合我口味。大肉蟹既殻硬，吸收唔到梅子同果皮既味道，但只要將蟹肉沾上碟上既汁，就
姪仔一月初出世，話咁快就半歲人仔啦，我就咩都無幫手，只係識得食同攪攪震，又借呢個半歲生日黎約食飯，叫做慶祝一下嗎。屋企人中意食中菜，但帶住小朋友去酒樓係一件勁辛苦既事，所以我諗私房菜會係一個唔錯既選擇，係朋友介紹下，搵到觀塘既御膳，位置都好方便，附近仲有得泊車。
訂位後仲可以用whatsapp同餐廳預訂海鮮或指定菜式，完全體貼到我地呢d要翻工，又想忙下自己野既人。
餐廳位於工廈內，間格闊落，坐得好舒服又唔會好嘈。我地7點3左右到，都未坐滿人，點知，唔駛30分鐘就全店滿座。
麻辣鹵水大拼盆 （$120）：麻辣金錢肚，麻而不辣，又咬口又唔硬，豬大腸，非常既稔，好重鹵水味，有種入口即化既感覺，手撕雞拌上爽脆青瓜，非常清新。
花雕蛋白蒸龍躉球（$198）：蛋白好香滑，食落仲有魚既鮮味同陣陣酒香，龍躉球都好大塊，啖啖肉，而且吸收左花騅既香味，真係令人回味。
避風塘炒大肉蟹（$398）隻肉蟹份量十足，師傅仲用左大量炸蒜去炒蟹，保存傳統風味，火侯十足，惹味。
梅子果皮蒸大肉蟹（$398），我個人比較中意嚐鮮，有好既食材用簡單做法會比較合我口味。大肉蟹既殻硬，吸收唔到梅子同果皮既味道，但只要將蟹肉沾上碟上既汁，就會感收到好醒胃，適中既酸味，更加突出蟹肉既鮮甜。
蒜蓉粉絲蒸大元貝（$58一隻）：當然要每人一隻，公平分配，一上枱，大家都呆左，好大既元貝，比平日見到既大元貝還要大，而且腸既位置已經清除乾淨，咬落十分彈牙，元貝下既粉絲，完完全全地吸收了元貝及蓉蓉既精華，另一重點所在莫過於個蒜蓉，用上了生蒜及炸蒜，炸蒜香脆既口感令我呢個愛重口味既人一試愛上。
士多啤梨骨（$88）：d骨好大舊，炸得乾身左小小，有點硬，士多啤梨味唔夠突出。
金華玉樹雞半只（$170）：無骨既蒸雞加上帶有咸香既金華火腿，雞肉好滑又無骨可以放心大啖食。
蒜蓉炒西蘭花（$60）：豐富既晚餐點都需要一碟清菜，雖然係炒，但一d都唔油。
招牌御膳炒飯（$129）： 炒飯既料好多，有帶子粒，菜粒，肉粒，蝦，咸蛋蓉，冬菇，牛柳粒等，而且炒得好乾身，一啖可以食到多個層次多種鮮味。
西瓜盅（$350）：西瓜好大個，外型好別緻，用下想像力諗下，有少少似bb 車，又有少少似食鬼,西瓜波好大粒，而且仲好多汁，又夠清甜，除左西瓜，入面仲有提子，藍莓，奇異果等，可以動動腦筋將水果拼成不同的形態，滿有趣的。
今餐食得好滿足，一家人食飯，睇到大家食得開心，我都好開心。
张贴
