影片
更多
2017-09-22
156 浏览
依加去工廈食飯一啲都唔陌生，今日同家人提早做節，去咗觀塘既御膳。只係閒日已經爆晒，估唔到咁好生意，嚟前記住打嚟留定位呀。餐廳有套餐提供，唔想諗就嗌套餐喇。首先就係前菜手撕雞，味道都幾辣，唔食得辣就唔好食，食得辣嘅就會好似我咁不停放落口。雞肉夠嫩滑，配埋爽口青瓜絲真係好惹味。什菌大蜆豆腐非常足料，蜆肉大大粒又肥鮮，豆腐都好滑溜，味道好鮮甜。份量唔算少，大約每人分得碗半左右。之後到我最鍾意食既蒜蓉粉絲蟶子，蟶子鮮味十足，爽口彈牙。調味料鋪到滿晒，蒜蓉味超重。其實主角先係粉絲，放係蟶子底，吸晒啲鮮味超好食。松子魚味道好有趣，因為用咗柚子粒做調味，食落口感特别，味道又清新。用12兩東星班果然好味，魚肉夠嫩滑，好鮮甜。餐廳將魚整到球狀，食得方便。薑葱大肉蟹夠鑊氣，肉蟹啖啖肉又鮮嫩，用薑葱炒好惹味，屋企人都食得滋味。食完濃味嘅肉蟹就食清淡嘅金絲翡翠鳳尾蝦～士多啤梨骨好有趣，味道甜甜鹹鹹咁。排骨外面煮得好香脆，肉質又腍又嫩滑，加咗士多啤梨汁仲無咁油膩添。但係有幾件啲肥肉都幾多。蟹油炒麵真係估佢唔到，以為只係普通炒麵就大錯特錯了。呢個炒麵香到不得了，麵質煙韌，仲要炒得乾身。食晒啲麵係都唔會係碟到見到多
首先就係前菜手撕雞，味道都幾辣，唔食得辣就唔好食，食得辣嘅就會好似我咁不停放落口。雞肉夠嫩滑，配埋爽口青瓜絲真係好惹味。
什菌大蜆豆腐非常足料，蜆肉大大粒又肥鮮，豆腐都好滑溜，味道好鮮甜。份量唔算少，大約每人分得碗半左右。
之後到我最鍾意食既蒜蓉粉絲蟶子，蟶子鮮味十足，爽口彈牙。調味料鋪到滿晒，蒜蓉味超重。其實主角先係粉絲，放係蟶子底，吸晒啲鮮味超好食。
松子魚味道好有趣，因為用咗柚子粒做調味，食落口感特别，味道又清新。用12兩東星班果然好味，魚肉夠嫩滑，好鮮甜。餐廳將魚整到球狀，食得方便。
薑葱大肉蟹夠鑊氣，肉蟹啖啖肉又鮮嫩，用薑葱炒好惹味，屋企人都食得滋味。
食完濃味嘅肉蟹就食清淡嘅金絲翡翠鳳尾蝦～
士多啤梨骨好有趣，味道甜甜鹹鹹咁。排骨外面煮得好香脆，肉質又腍又嫩滑，加咗士多啤梨汁仲無咁油膩添。但係有幾件啲肥肉都幾多。
蟹油炒麵真係估佢唔到，以為只係普通炒麵就大錯特錯了。呢個炒麵香到不得了，麵質煙韌，仲要炒得乾身。食晒啲麵係都唔會係碟到見到多餘嘅油。
芒果布甸好香滑，唔算太甜，仲食到芒果粒添！
茶錢 $2/位，仲唔收加一，真係掋食！
张贴
