影片
更多
2019-12-18
35 浏览
今日嚟到岩浪，目的只有一個，就係食一餐出色既Omakase！我地選擇左「金」既套餐，價錢屬於第二高。前菜總共三款，每一款相當別緻，從左至右係麵豉燒、水雲醋物同魚子醬蒸蛋。水雲醋物上面舖上山芋蓉，山芋蓉令醋味無咁嗆，同時幾爽囗。魚子醬蒸蛋係奢華既代表，小弟第一次嘗試魚子醬，味道鹹而不腥，同蒸蛋配搭相當合適。至於麵豉燒味幾濃味。冷物係蝦配洋蔥，蝦肉質彈牙，洋蔥唔辣，更散發袖子香味。三款刺身分別係拖羅、象拔蚌同寒鰤魚。拖羅非常肥美，而且無筋，入口近乎即融。莊象拔蚌非常鮮甜爽口，最後一款寒鰤魚就第一次食，肉質同樣肥美，味道甘甜，帶有微微魚脂香。煙燻秋刀魚肉質係可遇不可求嘅粉紅色，質感濃郁，味道帶回甘。慢煮魚肝口感似鵝肝，但相比之下口感更輕身，食完冇話覺得好膩，入口一樣即化。平時食天婦羅都係蝦或者蔬菜，但呢度既天婦羅竟然有公魚同鮑魚。粉槳炸得好薄，仍然隱約見到入面食材，粉槳不會蓋過食材既原汁原味。另外蝦頭都可以食埋㗎！喜之次賣相幾核突，不過魚肉幾鮮甜。壽司首先有劍魚同春魚。值得一提既係春魚上面加左魚子醬同銀箔，當然要相機食先！雖然春魚壽司有魚子醬同銀箔加持，但最令人深刻既壽司係海膽貝柱壽司。外觀
前菜總共三款，每一款相當別緻，從左至右係麵豉燒、水雲醋物同魚子醬蒸蛋。
水雲醋物上面舖上山芋蓉，山芋蓉令醋味無咁嗆，同時幾爽囗。魚子醬蒸蛋係奢華既代表，小弟第一次嘗試魚子醬，味道鹹而不腥，同蒸蛋配搭相當合適。至於麵豉燒味幾濃味。
冷物係蝦配洋蔥，蝦肉質彈牙，洋蔥唔辣，更散發袖子香味。
三款刺身分別係拖羅、象拔蚌同寒鰤魚。拖羅非常肥美，而且無筋，入口近乎即融。莊象拔蚌非常鮮甜爽口，最後一款寒鰤魚就第一次食，肉質同樣肥美，味道甘甜，帶有微微魚脂香。
煙燻秋刀魚肉質係可遇不可求嘅粉紅色，質感濃郁，味道帶回甘。
慢煮魚肝口感似鵝肝，但相比之下口感更輕身，食完冇話覺得好膩，入口一樣即化。
平時食天婦羅都係蝦或者蔬菜，但呢度既天婦羅竟然有公魚同鮑魚。粉槳炸得好薄，仍然隱約見到入面食材，粉槳不會蓋過食材既原汁原味。另外蝦頭都可以食埋㗎！
喜之次賣相幾核突，不過魚肉幾鮮甜。
壽司首先有劍魚同春魚。值得一提既係春魚上面加左魚子醬同銀箔，當然要相機食先！
雖然春魚壽司有魚子醬同銀箔加持，但最令人深刻既壽司係海膽貝柱壽司。外觀上完全唔似壽司，感覺似撈飯多啲。不過每一粒飯都被海膽完全包圍住，味道格外鮮甜，另外飯粒比一般壽司飯硬身，口感更豐富。
除左套餐外，我哋額外叫咗以下三款食物。汁燒子持魷魚既「子持」二字指陀住bb既魷魚，所以可以見到魷魚入面嘅啫喱狀，魷魚鮮味唔會被醬汁蓋過，而且比一般魷魚更軟熟。
七味雞翼調味唔會過鹹，外皮好薄好香脆。
牛肉稻庭烏冬既牛肉唔係和牛，但肉味香濃。
最後上埋甜品就完美結束今餐盛宴，甜品分別有南瓜蛋糕同柚子雪芭。南瓜蛋糕配搭幾新穎，係真正嘅甜而不膩。至於柚子雪芭好香柚子味，入口即融。
用四字總結今餐：物有所值。
张贴
