影片
更多
2025-05-27
220 浏览
聽同事講屯門有間任食點心同台式小食既火鍋店，今個weekend帶埋鍾意食點心既媽咪去試下，整體質素幾高質。鴛鴦鍋湯底：揀左「皮蛋芫茜肉片湯」同「阿里山野菌湯」，前者絕對係港式火鍋清流！湯底用上大量芫茜和皮蛋熬製，加入肉片鮮味倍增；野菌湯則充滿菇菌香氣，用料十足！C餐澳洲和牛盛宴：有多款澳洲無激素牛肉同新鮮海鮮任食。澳洲和牛油花分布均勻；牛五花趾口感彈牙，牛味濃郁；牛板腱肉質結實有嚼勁；牛舌芯爽脆鮮。海蝦大隻新鮮彈牙；扇貝飽滿鮮甜；蝦滑墨魚滑打得夠彈牙，台式蛋餃皮薄餡多，全部都有驚喜即蒸點心：燒賣彈牙，鮮蝦餃皮薄蝦爽，菜苗餃翠綠爽口，金錢肚滷得入味，點心水準拍得住酒樓台式小食：酥炸杏鮑菇外脆內多汁，甜不辣口感Q彈，炸番薯條香甜脆口，仲有其他豬血糕、花枝丸等，小食選擇比一般火鍋店豐富得多。自助區有有多款蔬菜、丸類、熟食仲有甜品！試咗芒果布甸同檸檬愛玉同黑糖仙草，甜度剛好，食到最後仲有一人一杯haagen dazs做飯後甜品，超滿足～最特別係每檯都有電視機，可以得投屏connect自己手機播劇，一邊食一邊睇，好享受！人均$300有齊高質和牛、新鮮海鮮、即蒸點心同娛樂設備，絕對係火鍋愛好者新據
聽同事講屯門有間任食點心同台式小食既火鍋店，今個weekend帶埋鍾意食點心既媽咪去試下，整體質素幾高質。
鴛鴦鍋湯底：揀左「皮蛋芫茜肉片湯」同「阿里山野菌湯」，前者絕對係港式火鍋清流！湯底用上大量芫茜和皮蛋熬製，加入肉片鮮味倍增；野菌湯則充滿菇菌香氣，用料十足！
C餐澳洲和牛盛宴：有多款澳洲無激素牛肉同新鮮海鮮任食。澳洲和牛油花分布均勻；牛五花趾口感彈牙，牛味濃郁；牛板腱肉質結實有嚼勁；牛舌芯爽脆鮮。海蝦大隻新鮮彈牙；扇貝飽滿鮮甜；蝦滑墨魚滑打得夠彈牙，台式蛋餃皮薄餡多，全部都有驚喜
即蒸點心：燒賣彈牙，鮮蝦餃皮薄蝦爽，菜苗餃翠綠爽口，金錢肚滷得入味，點心水準拍得住酒樓
台式小食：酥炸杏鮑菇外脆內多汁，甜不辣口感Q彈，炸番薯條香甜脆口，仲有其他豬血糕、花枝丸等，小食選擇比一般火鍋店豐富得多。
自助區有有多款蔬菜、丸類、熟食仲有甜品！試咗芒果布甸同檸檬愛玉同黑糖仙草，甜度剛好，食到最後仲有一人一杯haagen dazs做飯後甜品，超滿足～
最特別係每檯都有電視機，可以得投屏
connect自己手機播劇，一邊食一邊睇，好享受！
人均$300有齊高質和牛、新鮮海鮮、即蒸點心同娛樂設備，絕對係火鍋愛好者新據點！下次朋友聚會知道去邊啦～
张贴
