影片
更多
2008-02-15
24 浏览
一間專門"湯"有車客的食肆,唔叫做屠房可以叫做咩呢?早一個星期日d世叔伯話想試試呢間老字號裕記大飯店,橫掂有車就唔怕遠少少啦,入到去店子環境真係一般到極,比起鯉魚門的海鮮酒家更差一點,入坐後慢慢點送,有個肥佬侍應走埋黎,好似不斷吹我地嗌送咁,睇到餐牌已經嚇一嚇,一碟大的薑汁介蘭索價120$,都算!就想試試呢碟要百幾銀的薑汁介蘭有幾利害!之後再點左幾味小菜,而入到黎無理由唔試試人地的招牌燒鵝嫁,見到280$一隻價格唔係好貴就叫一隻,點緊菜時個肥佬不停咁"硬"銷要我地整返條魚(瓜子班)佢碎左好耐好耐.....又話呢條好抵呀都係5百蚊之嘛!(真叫人煩厭!!)碎完條魚又走黎碎我地飲湯,我地再三推佢,佢都仲要o係度不停咁Rap!算點?果煲湯我地最後都無要到!寫好哂菜時條肥佬比條數我地睇仲話:"拿!都話叫你地唔好食果個22xx$的餐嫁啦果個係唔抵嫁,你睇下而家你張單都係千二,三蚊到之嘛!!",我心諗真係怪奇邊有食店出左套餐黎但係d侍應又叫人唔好order個喎。但係果條肥佬Rapper幫我地點完菜一拎轉背就對住十幾圍食客的方向大叫:"超!又唔叫湯,搞錯呀,湯都唔叫喎~!"大佬我地叫唔叫湯係唔需要話比
到食完飯埋單,全晚ge高潮位就係o係呢一度!!我d姨姨好喜歡查單,佢地一睇就出事喇!
問題1:隻鵝由280$變到320$,我相信大家估都估唔到個答案係乜野!!
肥佬答:你地呢一隻係特大鵝所以貴d的!
我:x%@y#&>*!!我幾時有叫你比隻特大鵝呀!我落單叫1隻鵝咋喎!(肥佬對我以上的回覆無作任何回應!)
問題2:條魚明明話500$而家又收我650$?
肥佬答: (大家唔好意思,呢條肥佬無再作任何回應...)
問題3:呢幾十蚊咩黎嫁?
肥佬答:哦,呢條數係你地泊停車場的費用黎嫁~
我:下?停車場錢o係度比埋咁怪ge?
問題4:嘩?個尾數點解1千八百幾蚊ge?乜點果時唔係話千二,三蚊嫁咩?
肥佬答:依依鵝鵝...依依鵝鵝...依依鵝鵝...(o係依依鵝鵝期間佢就收錢鬆人)
我地步出食店時,謀叔叔話:"B嫂都話唔好叫條魚嫁啦,比人搵笨喇~"
B媛答:"我都無話要到條魚,係咪你叫呀大佬A"
大佬A答:"無喎~我都唔食魚ge點會叫~"
我:"喂!咁條魚邊個叫嫁?"
眾人答:"無喎!我無叫!!"
問題5:完來條魚我地台人無叫過...只係上ge時候大家以為對方叫.......條魚係比人屈落黎ge...!!
我地去到停車場走果時,停車場看更:"比錢唔該"
我:"頭先o係酒樓咪比左囉!"
看更:"頭先o係酒樓比左還酒樓比左,而家呢度都要比小費"
我(心諗):"唔係掛,收駝地??"
最後當然呢條<小費>梗係要比啦=.=
總括而言:環境差!食物差勁!服務極差勁!超唔抵食!黑道屠房絕對唔乾淨!!真係希望Openrice有得比負分!我會每項都比-100分!有生之年都一定唔會再食佢!請都一定唔去!!
张贴