CURATOR Art & Café (已結業)

尖沙咀高顏值打卡新寵兒～～～難得今日早收工 就同好閨蜜過咗嚟尖沙咀呢一邊行街 行到腳攰攰之際 我哋就嚟咗呢一間係網上見到好多人黎打卡嘅現代藝術風餐廳度食少少野休息下🍽～～～非常可愛又特別嘅裝修 令人一坐低就不自覺影返幾張相先 睇完餐牌之後 我哋叫咗羽衣甘藍凱撒沙律同埋香蒜橄欖油意粉 再叫咗一杯熱朱古力及抹茶Latte 本來我哋覺得都夠食 跟住見到檯檯都叫雞鎚 所以我哋又跟住叫咗一個😆～～～🍗酥脆雞鎚配水牛芝士醬：樣子非常cute cute嘅雞鎚 骨細肉厚 食落去雞肉好嫩 加埋表面鹹鹹香香嘅水牛芝士 整體味道唔錯～～～🥗羽衣甘藍凱撒沙律：食完鹹鹹香香嘅酥脆雞鎚 喉嚨有少少乾 好在我哋嘅飲品就緊接送到 抹茶Latte濃而不甜膩 無論係抹茶味定係牛奶味都好突出 好耐未飲過咁好飲嘅抹茶牛奶 而且佢哋個拉花都好靚 而熱朱古力亦都冇咩失望 一樣係濃得黎 甜到控制得幾好 不過如果要我二揀一 個人就會更鍾意抹茶牛奶～～～🍝香蒜橄欖油意粉：一直覺得所謂嘅好廚藝 就係將簡單嘅食材都可以煮成好優質嘅味道 而呢一度嘅廚師就做到呢件事 橄欖油份量啱啱好令到意粉幾滑 加埋香口嘅菇菌 彈牙嘅意粉 成件事 清清地幾健