影片
更多
2023-06-15
35 浏览
呢晚想同👦🏻食好啲，就嚟咗呢排好多人推介，位於尖沙咀瑞生酒店嘅西餐廳🍽️餐廳係由擁有超過30年經驗嘅主廚Ryan主理，採用本地、日本時令海鮮，創作出一系列現代歐陸菜✨餐廳裝修結合17世紀巴洛克風格，配搭樹脂流體藝術品，成個環境好時尚同有藝術感🎨外面仲有露天位置，好有feel😎🌟香煎北海道帶子 $108帶子煎得好有誠意☺️帶子大大粒，食落好厚身，肉質嫩滑鮮甜🥰底下係枝豆蓉，味道好特別，而且好香牛油味😋最頂仲放咗少少麵豉醬，為帶子帶來一下鹹味嘅衝擊，味道層次好豐富💛🌟煙三文魚芝士卷 $98厚厚嘅煙三文魚卷住芝士，海帶同青瓜，最頂仲有好多飛魚籽🤤好欣賞佢嘅煙三文魚肉質好厚，而且唔會太鹹，入面嘅海帶同青瓜食落又好爽脆，中和芝士嘅漏🥰側邊仲有青瓜卷同沙律菜🥗，成道菜好清爽開胃😋🌟燴澳洲牛面頰 $328呢個牛面頰真係世一好食😭😭😭❤️可以話係我食過最好食嘅牛面頰🥹！牛面頰大大舊，切開咗四件，夾起嚟要小心，因為真係炆得超級淋身🥹❤️係你夾一夾都會散嘅程度🤣一擺落口，牛肉味好香，而且真係入口即溶，完全唔使咬咁滯🥹💕仲要每一啖都食到黏黏嘅膠質，會感覺漿住口腔，真係好正😭❤️再加上淋滿醬汁，食落好入味，每一啖都係享
🌟香煎北海道帶子 $108
帶子煎得好有誠意☺️帶子大大粒，食落好厚身，肉質嫩滑鮮甜🥰底下係枝豆蓉，味道好特別，而且好香牛油味😋最頂仲放咗少少麵豉醬，為帶子帶來一下鹹味嘅衝擊，味道層次好豐富💛
🌟煙三文魚芝士卷 $98
厚厚嘅煙三文魚卷住芝士，海帶同青瓜，最頂仲有好多飛魚籽🤤好欣賞佢嘅煙三文魚肉質好厚，而且唔會太鹹，入面嘅海帶同青瓜食落又好爽脆，中和芝士嘅漏🥰側邊仲有青瓜卷同沙律菜🥗，成道菜好清爽開胃😋
🌟燴澳洲牛面頰 $328
呢個牛面頰真係世一好食😭😭😭❤️可以話係我食過最好食嘅牛面頰🥹！牛面頰大大舊，切開咗四件，夾起嚟要小心，因為真係炆得超級淋身🥹❤️係你夾一夾都會散嘅程度🤣一擺落口，牛肉味好香，而且真係入口即溶，完全唔使咬咁滯🥹💕仲要每一啖都食到黏黏嘅膠質，會感覺漿住口腔，真係好正😭❤️再加上淋滿醬汁，食落好入味，每一啖都係享受✨🫶🏻另外仲配上牛肉可樂餅，口感軟身，記得點醬汁食！
🌟烤澳洲羊西冷 $158
第一次食羊西冷😳首先擺盤好精緻💖兩大條羊西冷夾住蔬菜同串茄😌羊西冷煎到三成熟左右，望落色澤好粉嫩，食落肉質偏紥實，但肉味好濃，而且冇羊臊味，點芥末醬食好夾🥰蔬菜都煎得好香😋高質～
🌟𝐅𝐢𝐫𝐬𝐭 𝐋𝐨𝐯𝐞🍸 $88
我哋叫咗兩杯Mocktail🥰呢杯係菠蘿汁🍍、青瓜汁同梳打水調配而成，飲落好清爽，而且青瓜味好出，再有淡淡嘅菠蘿味，真係有初戀嘅感覺🤣不過就未必個個都接受到～
🌟𝐅𝐢𝐫𝐬𝐭 𝐍𝐢𝐠𝐡𝐭🍸 $88
呢杯係熱情果汁同提子汁🍇調配而成，望落已經有性感浪漫嘅感覺💕飲落提子味較出，女仔會鍾意嘅味道🤣
最後我哋兩個都食得好滿足🤤餐廳嘅四道菜式都好有誠意，擺盤靚之餘味道都好出色同好有層次，尤其係燴澳洲牛面頰！！真係必食🥹💖
张贴
