蜜庵本膳 (已結業)

忙裏偷閒放半天假陪媽媽行下街食下嘢，作為預祝母親節，近近地走到赫德道試試呢間和食店。木系傢俬裝修感覺簡潔，玻璃透光柔和，加埋粉色既磚牆特別悠閒，仲好啱selfie影相添~好好享受下午時光點杯加左燒酎既西柚高球有枝西柚汁膠管可隨意添加西柚汁~酸酸甜甜酒味唔太重，好啱女仔❤媽媽點左抹茶甘酒latte，甘酒其實無酒精成份，營養非常豐富，被譽為神仙水，當中含有酵素、維他命B和氨基酸，可美白、抑制色斑、去黃去暗啞等多種功效!細味一下有米趜既味道。呢度嘅午餐主要提供三品定食，除左麵豉湯、沙律仲有冷盤、燒/炸物、鍋物主菜~藜麥沙律菜，醋汁開胃得黎又fresh!  媽媽揀既香煎胡麻豆腐蓉拌菠菜，用日本豆腐壓碎加埋胡麻，豆香味濃。另一份係三文魚南蠻漬煎香既三文魚加上酸酸甜甜醋汁，先開開胃，清爽又帶有濃醇風味。牛肉可樂餅酥脆既外層香口之餘，一咬下去綿密滑順，薯仔餡夾雜住牛肉既味道。茄子味噌田樂燒軟嫩既茄子加上味噌煎烤過後，口感柔香，雖然材料簡單,但味道口感均有層次～主食用小鍋盛住~西京赤豚汁 唔好睇佢細細個，都幾多配料，五花豚肉片、　豆腐、紅蘿蔔、牛蒡、洋蔥、大蔥等~湯頭野菜味濃又有肉香~柚子風味清酒煮藍