潮牛莊火鍋 (已結業)

今晚想打吓啲高質火鍋食🤔，聽朋友推介，話尖沙咀有間火鍋店有九龍城水準😯😯，咁尖沙咀真係比入九龍城方便得多，咁我地決定去試一試😳😳呢度係可以選擇要大鍋定一人鍋，而一人鍋既價錢都係大鍋1/4🤑，我地兩個人梗係要一人鍋，嗌多野好過😂😂而個湯底都係用牛骨10鐘嚟熬製，一飲真係🐮氣衝天，完全感受到咩叫做真材實料，而且啲牛蹄牛筋都唔少，煲得入哂味👍🏻又可以當多一樣野食吓呢個就係今晚主角－騸牯牛🐂，呢款牛冇和牛咁油膩，肉味濃厚好多，而爪邊即係牛既背脊位，口感好幼滑，油脂好平均，食極都唔會厭😚☺，果然係必試之選👍🏻👍🏻呢個同我之前食過牛胸膀好相似，好有可能係同一樣野嚟🤔都係表面上好似一大塊脂肪，但當佢一熟嗰陣，佢就會收縮，口感好爽脆，每咬一吓都有陣陣牛油香流出嚟🤤，必點🥴👍🏻費時淨係打邊爐咁dry，我都鐘意叫啲小食食吓🥴鯪魚球新鮮炸起，熱辣辣🌬🌬有蜆蚧點吓，確實令到炸鯪魚球味道豐富不少😚呢度服務非常好，店員會自動自覺幫你加湯，又主動介紹飲品，令我地飲到清甜既竹蔗茅根，飲飽食醉，果然係一個好介紹😘😘