秋田鐵板燒刺身專門店

营业中

休息中

喜歡食鐵板燒，除左因為食物吸引之外，就係因為有機會同廚師互相交流。客人可以欣賞廚師嘅技巧同想法，廚師又可以了解客人嘅口味喜好。今次選擇嘅呢間，亦十分欣賞。季節沙律及前菜雞泡魚干沙律中水晶蘿蔔最有驚喜，清新爽脆。柚子酸醬汁提升清新感。魚籽鵝肝蒸蛋口感好豐富，爽脆、柔軟、幼滑集於一身。濃濃蛋香、魚籽鮮味，再加上鵝肝嘅齒頰留香，一試難忘。鮮活龍蝦半隻龍蝦肉好鮮甜彈牙，醬汁以龍蝦膏製成。大廚係鐵板上將活龍蝦煮熟，再灑上酒，點火變成火焰龍蝦，精彩。季節時令海鮮今晚大廚推介象拔蚌，口感爽脆彈牙，略帶嚼口，鮮味十足。香煎北海道帆立貝帆立貝大大粒好厚身，煎成金黃色好誘人。以柚子胡椒調味，鮮味中帶點清新感。再配以一塊香脆紫菜，非常美味。鹿兒島霜降和牛薄燒可選擇薄燒或厚燒，我比較喜歡前者。油花豐富且甘香，配上蒜片同蔥花，實在太好味。秋田炒飯 及 炒野菜 及 龍蝦清湯龍蝦湯以龍蝦殼煮成，清甜中帶點鮮味。炒飯以雞蛋、櫻花蝦、煙肉粒、蔥花炒成，粒粒分明，簡單卻美味。甜品 - 豆沙包配雪糕因為已太滿足，同廚師講要細份量便可。軟綿綿豆沙包配上紅豆餡，再配雪糕（可選綠茶/豆腐/芝麻味）。