潮牛莊火鍋 (已結業)

呢排成日落雨又濕又黐立立，心情唔好就食打邊爐氹吓自己！我哋就揀咗呢一間係尖沙咀嘅港式打邊爐，皆因見到佢食物種類都好多，最重要係每一個人都有一個專屬於自己嘅鍋，咁就可以揀自己最鍾意嘅湯底同埋食物，唔怕同人爭啦！现炸猪唛午餐肉午餐肉外皮香脆裏邊熱辣辣！而且呢隻牌子嘅午餐肉肉味好濃，亦都唔會太鹹！好食！蘇格蘭蟶子王蟶子王好大隻同埋好新鮮！簡單淥幾秒就可以食，肉質爽脆嫩滑！金鮪魚刺身呢個刺身都好唔錯喎！一啲都唔會腥，刺身切到好薄，食落都係鮮甜嘅！很不錯！牛肉我哋揀咗兩款，分別係肉眼邊同埋金錢牛𦟌！肉眼邊油脂會充足啲，牛味好重！金錢牛𦟌第一次食，佢嘅口感會爽啲同埋厚實啲，但係都係好食嘅！總括而言，呢間港式打邊爐食物質素上乘，最喜歡佢一人一鍋呢個設計，真係好貼心！