影片
更多
2022-11-16
171 浏览
雅 ‧悠蔬食📍尖沙咀金馬倫道48號中國保險大廈3樓B號舖同朋友約去尖沙咀食飯，查到有間頗有人氣嘅素食餐廳，因為最近我哋都想食得健康啲，所以就揀咗星期一喺呢度食午餐。一入到餐廳，已經見到好多充滿文藝氣息嘅裝飾品，例如油畫，而且全間店嘅裝修都係以淺紫色為主，感覺好清新，店員亦好有禮貌咁安排我哋坐喺窗邊嘅位置，可以睇到少少街景。有一加分位係店員會主動問食客需唔需要幫手影合照，而且服務態度亦好好，令整個用餐體驗更smooth更舒服！ 💰$88泰式炒粉絲配椒鹽茄子 🍝🍆呢個炒粉絲好足料，除咗有蛋絲之外，仲有雜菇、蕃茄、芽菜同素肉等配料。雖則係泰式，但無咩辣味，炒得好惹味，相信大人細路都好啱食！重中之重係個椒鹽茄子，皮脆餡嫩，味道恰到好處，個人認為係成餐最好味嘅一道伴菜，兩嚿真係唔夠喉！ 💰$98焗烤牛油果新吞拿墨西哥薄餅配紅菜頭蘋果藜麥沙律及香脆薯角 🥑🐟🫓🥗🍟我自己唔太喜歡紅菜頭同藜麥，所以就俾咗成個沙律我朋友食，佢食到讚不絕口，認為餐廳將啲咁健康嘅食材整得咁易入口，相信可以令平時唔太鍾意呢啲食材嘅人踏出第一步試下。佢話沙律好少見有呢個組合，食落清新開胃，食材亦好新鮮，係好特別嘅一款沙律。而主
📍尖沙咀金馬倫道48號中國保險大廈3樓B號舖
同朋友約去尖沙咀食飯，查到有間頗有人氣嘅素食餐廳，因為最近我哋都想食得健康啲，所以就揀咗星期一喺呢度食午餐。一入到餐廳，已經見到好多充滿文藝氣息嘅裝飾品，例如油畫，而且全間店嘅裝修都係以淺紫色為主，感覺好清新，店員亦好有禮貌咁安排我哋坐喺窗邊嘅位置，可以睇到少少街景。有一加分位係店員會主動問食客需唔需要幫手影合照，而且服務態度亦好好，令整個用餐體驗更smooth更舒服！
[價錢 Price]
💰$88
泰式炒粉絲配椒鹽茄子 🍝🍆
呢個炒粉絲好足料，除咗有蛋絲之外，仲有雜菇、蕃茄、芽菜同素肉等配料。雖則係泰式，但無咩辣味，炒得好惹味，相信大人細路都好啱食！重中之重係個椒鹽茄子，皮脆餡嫩，味道恰到好處，個人認為係成餐最好味嘅一道伴菜，兩嚿真係唔夠喉！
[價錢 Price]
💰$98
焗烤牛油果新吞拿墨西哥薄餅配紅菜頭蘋果藜麥沙律及香脆薯角 🥑🐟🫓🥗🍟
我自己唔太喜歡紅菜頭同藜麥，所以就俾咗成個沙律我朋友食，佢食到讚不絕口，認為餐廳將啲咁健康嘅食材整得咁易入口，相信可以令平時唔太鍾意呢啲食材嘅人踏出第一步試下。佢話沙律好少見有呢個組合，食落清新開胃，食材亦好新鮮，係好特別嘅一款沙律。
而主角墨西哥薄餅就有三件，都有好多餡，而且夠晒juicy，除咗牛油果同新吞拿之外，佢仲有蕃茄，成個餅食落一啲都唔乾，而且唔會好濃調味，感覺好健康！
最後就係伴碟嘅薯角，一個字，正！佢係用烤焗嘅方式烹製，而唔係用油炸，所以食落唔單止無油膩感，就連個薯皮嘅原味都食得到，裏面嘅薯蓉口感亦好好，好重薯仔味，非常值得一試！
[價錢 Price]
💰$10
蘋果南瓜甘筍忌廉濃湯配香脆法包 🥣🥖
套餐可以$10優惠價錢加配湯品同小食，我哋揀咗呢款好creamy好濃郁嘅忌廉湯，一飲就知勁足料，唔會水汪汪，仲可以飲到某啲食材嘅纖維添，用脆卜卜嘅法包點住嚟食，就最夾啦！
[價錢 Price]
💰$0
鹹柑桔蜜 🫖
同市面買到嘅現成鹹柑桔蜜分別不大，但熱辣辣好暖胃。
[價錢 Price]
💰$0
荔枝檸檬蘆薈冰茶(凍) 🍹
睇佢個樣會以為係普通凍檸茶，但飲落會有啖啖清香荔枝味，而且佢真係有蘆薈肉，係一杯好refreshing嘅飲品！
张贴
