鮮入圍煮花膠雞海鮮火鍋

营业中

休息中

以前已經聽過鮮入圍煮，但今次第一次食。無諗過尖沙咀店咁多人，book左都要等，加上等位個空間好逼，大家要有心理準備，好彩店員都好友善地安撫食客。黎得應該都係衝住佢個花膠雞湯，即使半隻份量都幾多，雞肉同花膠份量都足夠。店員建議先飲湯，再加骨湯打邊爐。湯頭的確幾出色，有雞湯既鮮甜，又有花膠個種獨有既膠質。比起一般邊爐湯底較濃，亦較有特色。娃娃菜放曬落去雞湯到煮，吸曬個湯D味之餘，又有娃娃菜既甜。澳洲和牛牛展肉呢款雖然係餐牌中比較平嘅一款，但煮完唔會鞋，有肉味又唔怕太油，OK啵薑汁皮蛋貢丸有驚喜，平時麻麻皮蛋都鐘意。牛黃喉份量好多，質地係爽脆，但配呢個湯唔太夾，如果叫麻辣就夾好多。飲品上除左一般汽水啤酒茶都有D特色野飲揀。