漁正居酒屋 (已結業)

之前同朋友誤打誤撞去食，當時被個無骨燒雞腿吸引，烤至皮脆，有少少鹽吊味，夠鮮嫩啖啖肉。第二次去食發現餐牌有酒盜芝士以前睇過啲旅遊節目聽過，香港好少店會有，一試傾心，我覺得味道有啲似蜆芥，不過佢係魷魚版，好鹹香，配無乜味嘅芝士好特別。從來未食過嘅墨作螢光魷魚，黑嗎嗎，都幾鹹，滑嘟嘟，有墨汁味，未食過的話可以一試，不過略嫌價錢稍貴。燒物燒得恰到好處，鹽唔會太重，原始嘅味道，不過魷魚一夜干似係燒汁處理，無乜特別。室津蠔做梗特價，唧啲檸檬汁，好鮮味，一啲都唔腥，又抵又好味。去居酒屋就當然要嘆杯啤酒配搭燒物啦