影片
更多
2022-08-14
21 浏览
一直都想試下山林道一帶嘅餐廳，好鐘意旺中帶靜嘅感覺。朋友話呢一幢大廈多西餐，今日揀左Deep Sea Osyter and Steak。 餐廳唔算大，有bar枱同十張枱左右，book左6:00。 之後入坐有4-5張枱，應該有啲都係熟客仔，職員態度好親切。我地兩人叫左個深海精選套餐$438，2串燒牛舌心($58@)，蒜蓉青醬雞肉意粉($88)，同Sapporo($38)。套餐: —- 沙律，小小地一碗，酸甜開胃。—- 生蠔兩隻，職員話左邊係西非嘅野生生蠔，右邊係法國嘅。自己鐘意後者，只有落少少檸檬汁調味，食到後面咬埋柱位就食到好鮮甜，前者則礦物味較重。—- 煎大蝦兩隻，只用左鹽同埋胡椒調味，再用鐵板燒，好香！用料亦新鮮。—- 湯，松露蘑菇湯。(相有少少濛，對唔住呀!!!😭) 眼見己經覺得足料，食到有pepper同洋蔥，應該係再用上幾種菌類再blend成。本身味道夠濃，食到後尾先攪開中間嘅truffle oil，令到成個湯嘅菌味再升華。慢慢再上菜，己逐漸感受到餐廳對食材嘅用心。主菜揀左美國安格斯肉眼。伴碟有薯角同少量菇，薯角應該係自家製，同岀面嘅比較係less starchy，食落較輕身。
餐廳唔算大，有bar枱同十張枱左右，book左6:00。 之後入坐有4-5張枱，應該有啲都係熟客仔，職員態度好親切。
我地兩人叫左個深海精選套餐$438，2串燒牛舌心($58@)，蒜蓉青醬雞肉意粉($88)，同Sapporo($38)。
套餐:
—- 沙律，小小地一碗，酸甜開胃。
—- 生蠔兩隻，職員話左邊係西非嘅野生生蠔，右邊係法國嘅。自己鐘意後者，只有落少少檸檬汁調味，食到後面咬埋柱位就食到好鮮甜，前者則礦物味較重。
—- 煎大蝦兩隻，只用左鹽同埋胡椒調味，再用鐵板燒，好香！用料亦新鮮。
—- 湯，松露蘑菇湯。(相有少少濛，對唔住呀!!!😭) 眼見己經覺得足料，食到有pepper同洋蔥，應該係再用上幾種菌類再blend成。本身味道夠濃，食到後尾先攪開中間嘅truffle oil，令到成個湯嘅菌味再升華。
慢慢再上菜，己逐漸感受到餐廳對食材嘅用心。
主菜揀左美國安格斯肉眼。伴碟有薯角同少量菇，薯角應該係自家製，同岀面嘅比較係less starchy，食落較輕身。菇亦有落洋蔥去炒。用牛扒上嘅rosemary再輕輕點落牛扒令肉味更岀，仲好細心切哂一舊舊。
額外嗌咗一個蒜蓉青醬雞肉意粉，賣相都幾好，本身都冇咩期望，話晒人哋主打都應該係海鮮，但係反而覺得呢一個好有驚喜。雞肉份量都幾多，本身以為會係濕濕地身嘅，反而個人更加鍾意呢一種較乾身嘅意粉。第一二啖都唔會覺得好油，但係話哂都係青醬，碟底都難免會有油分停留咗喺度，所以廚師好巧妙咁加咗乾蕃茄，食一啖意粉再溝埋乾蕃茄咁食， 即刻令油膩感減半。個人覺得如果將啲光蕃茄切條，令到每一啖都可以食到，咁就會更加好啦。
仲有牛舌，厚身唔會燒得過靭，如果可以燒到表面再脆少少就會更好。
總結：覺得呢一間餐廳好用心機咁對待每一道菜，雖然食材簡單，但係細節位做得好足，絕對會返嚟再試多次。
张贴
