素年 (福隆大廈)

营业中

休息中

朋友介紹這兒有間非常雅致而且食物質素很好的餐廳，正好有個舊同事住喺餐廳對面，於是我哋約埋一齊去食。其實我很少食素，因為覺得素食啲食物好假，加上冇肉都唔會好食得去邊。不過呢間餐廳真係令我對素食改觀，原來素食可以又好味又真實又有益。朋友話第一次來應該食佢嘅定食，於是我哋就叫咗定食。嘩！個定食真係有好多野：烏冬做得好有咬勁，又十分滑，而且湯料同平日食嘅冇乜分別，反而多左一股日本木魚嘅湯底味，讚👍🏼定食另外有六款食物：枝豆、豆腐、炸南瓜🎃餅、酸薑、紫薯仔、抹茶🍵蒟蒻粒。其實真係每一款都好好味，加上份量不多，更加覺得食完想再食。我強烈推介南瓜餅，真係好脆好脆，而其他都做得好細緻，吃起來好像高級餐廳的出品。另外我們叫了咖喱豬扒飯，個咖喱豬扒當然就係素食啦，但真係好脆，質地好鬆，好入味，不太像肉質。此外，還有麵豉湯和飲品，我點的是凍伯爵茶。餐飲同佢嘅餐廳一樣，就係好特別，我覺得好好。