影片
更多
2011-03-12
42 浏览
沾仔記 - 喺中環有兩間，分別位於威靈頓街及皇后大道中。兩間比較之下，後者佔地較大，同時，卡位亦較多！由於我公司鄰近皇后大道中分店，中午時段就算要排隊等位，侍應幫忙每位排隊食客先落單，好讓食客一坐落不夠一分鐘，食物隨即上枱，呢方面值得一讚！ 省了食客時間之餘，又可以做多轉！ 威靈頓街分店要行得遠，留待星期六幫襯，我自己一個人，唔使等位即時入得。至於，食物選擇不多！只得幾個配搭！單併、雙併、及三併。以牛肉、鯪魚球及雲吞；麵、河粉、米粉；另有油菜及豆漿等。中午時段：$18 起、雙併 $22、三併 $25，下午茶時段：$16 起，下午茶餐 $20。不用加一！勝在大眾化，除咗香港食客之外，亦吸引不少中外遊客幫襯！原來沾仔記超過 100 個好評，相當受歡迎！曾榮獲開飯熱店大賞。店內簡約裝修，不失中國風格！還有醒獅裝飾，定必吸引途人注目！我被店員安排坐喺洗手間附近一張 6人枱， 環境認真麻麻！ 好似臨時安置區！兼擺放一些雜物。我打算去牧場餐廳食下午茶，所以食雙併就夠！加上我唔食得牛肉，會皮膚敏感！所以我只有鯪魚球及雲吞兩款選擇。鯪魚球 & 雲吞河 $23三款選擇當中，相信賣相最為出眾嘅正是超大粒鯪
兩間比較之下，後者佔地較大，同時，卡位亦較多！由於我公司鄰近皇后大道中分店，中午時段就算要排隊等位，侍應幫忙每位排隊食客先落單，好讓食客一坐落不夠一分鐘，食物隨即上枱，呢方面值得一讚！ 省了食客時間之餘，又可以做多轉！ 威靈頓街分店要行得遠，留待星期六幫襯，我自己一個人，唔使等位即時入得。
至於，食物選擇不多！只得幾個配搭！單併、雙併、及三併。以牛肉、鯪魚球及雲吞；麵、河粉、米粉；另有油菜及豆漿等。中午時段：$18 起、雙併 $22、三併 $25，下午茶時段：$16 起，下午茶餐 $20。不用加一！
勝在大眾化，除咗香港食客之外，亦吸引不少中外遊客幫襯！
原來沾仔記超過 100 個好評，相當受歡迎！曾榮獲開飯熱店大賞。
店內簡約裝修，不失中國風格！還有醒獅裝飾，定必吸引途人注目！
我被店員安排坐喺洗手間附近一張 6人枱， 環境認真麻麻！ 好似臨時安置區！兼擺放一些雜物。我打算去牧場餐廳食下午茶，所以食雙併就夠！加上我唔食得牛肉，會皮膚敏感！所以我只有鯪魚球及雲吞兩款選擇。
鯪魚球 & 雲吞河 $23
三款選擇當中，相信賣相最為出眾嘅正是超大粒鯪魚球！ 大過雲吞之餘，匙羹都裝唔哂！質感爽口彈牙！混入陳皮粒及蔥粒，甘香撲鼻！鮮蝦雲吞皮薄餡多，蝦爽身鮮甜，可惜，加送蝦腸， 感覺不太衛生！食得未夠滋味！有兩大粒鯪魚球加上兩粒大約乒乓波 size 嘅雲吞，河粉差不多完全被掩蓋，喺碗中只是一名閒角！河粉幼身，又白又滑；質地不錯！最緊要食到尾都唔會斷開哂，碎濕濕！份量剛好！ 反而食米粉，份量比較多，更為飽肚！呢度用上幼身米粉，滑溜易入口，亦有點米香。湯底清淡中略帶甜味及少油。全碗配搭確實不錯！
呢餐真划算！ 张贴
