裕記大飯店

营业中

休息中

同老婆行完三棟屋後，便搭車入深井食燒鵝。其實我係第一次入深井，至於我固流的老婆就更加唔洗講，所以係碧堤半島落車後，都係亂行。點知聽到有個男人講"裕記"，我地就跟住佢。有佢的帶領，好快就行到去。只係7點，已經好多人排隊。好在剛剛有個2人台，我地就唔洗等。花多眼亂之下，叫了2人套餐:1. 裕記燒鵝- 皮脆肉汁多，肉冇羅味，不過真係幾油。2. 煲仔翅- 清清地，我ok，老婆話好味。3. 蒜蓉蒸大蝦- 香，蝦又新鮮，不錯。4. 鮑魚扣鵝掌- 一般，好似求其煮咁。5. 汽水2罐套餐$368再加茶錢&加一都要四百幾，都幾貴，不過都一早預左。