Amici (已結業)

幾個女生去中環食晚飯，當然想選擇一間有格調啲嘅餐廳，可以慢慢傾吓計啦。今次食呢間餐廳，地點近蘭桂坊，好方便，餐廳入面環境好安靜，所以我哋傾計都傾得斯文啲😂凱撒沙律，上枱有一碟沙律菜同埋另外有一樽樽嘅配料，煙肉、麵包粒、芝士粉、沙律醬等等都可以任意落。另一款前菜叫咗三文魚帶子他他，幾鮮味，仲有我好鍾意食嘅牛油果添。芝士意大利飯，簡簡單單，冇配料，可以試清楚芝士香同飯粒。另外叫咗個意粉，都係冇配料，想食得清啲嘅話就啱啦，味道有少少辣，所以食落冇咁寡。豬柳好厚身，煎得好香，而且唔會好油膩，入口亦都好鬆軟👍🏼唔食牛嘅不妨叫呢個試吓。