影片
更多
2018-08-07
2590 浏览
好耐冇同屋企人食飯 ，所以今晚特登揀咗間中式餐館同 屋企人一齊家庭樂一下！！如果唔係openrice， 應該好難會搵到呢間位於觀塘工業區內非常 隱蔽嘅私房菜館🙈餐廳裝修簡約用木趟門間隔成兩個空間，宛如VIP房嘅感覺。香芒沙律大蝦球沙律份量相當多 芒果清甜 蝦球炸得香口！沙律菜新鮮，而且仲有非常多嘅青蘋果切粒，自然地帶出果甜、口感爽脆之餘仲非常健康！花雕雞油蛋白蒸大肉蟹肉蟹都算幾大隻， 而且肉質嫩滑得嚟彈牙，而且真係名副其實：啖啖肉！我鍾意配搭佢個花雕雞油蛋白一齊食， 有淡淡嘅花雕酒香，加上蒸得滑嫩嘅蛋白，口感豐富👍🏻生煎東星班煎魚上菜嘅時候仲係熱辣辣，而且煮嘅時間拿捏得啱啱好👏🏻外皮煎得好香脆，但入面嘅肉質卻係鮮嫩無比，猶如蒸魚一樣，一啲都唔鞋口，更無腥味，味道非常好👍🏻白胡椒爆炒南非鮑魚食鮑魚通常都係清蒸，好少食白胡椒爆炒呢個煮法，估唔到味道又幾唔錯！😍 白胡椒香濃得來又唔會遮蓋咗鮑魚嘅鮮味💕 鮑魚大隻又厚肉，食落去好彈牙👍🏻蒜蓉粉絲蒸蟶子王爸爸大讚蟶子比屯門食開海鮮嘅地方更為新鮮，大隻且肉質爽口鮮甜👍🏻 加上蒜蓉粉絲呢個最佳配搭，一人一隻真係唔係幾夠喉😂江南百花雞見到菜名幾得意，但
如果唔係openrice， 應該好難會搵到呢間位於觀塘工業區內非常 隱蔽嘅私房菜館🙈
餐廳裝修簡約用木趟門間隔成兩個空間，宛如VIP房嘅感覺。
香芒沙律大蝦球
沙律份量相當多 芒果清甜 蝦球炸得香口！沙律菜新鮮，而且仲有非常多嘅青蘋果切粒，自然地帶出果甜、口感爽脆之餘仲非常健康！
花雕雞油蛋白蒸大肉蟹
肉蟹都算幾大隻， 而且肉質嫩滑得嚟彈牙，而且真係名副其實：啖啖肉！我鍾意配搭佢個花雕雞油蛋白一齊食， 有淡淡嘅花雕酒香，加上蒸得滑嫩嘅蛋白，口感豐富👍🏻
生煎東星班
煎魚上菜嘅時候仲係熱辣辣，而且煮嘅時間拿捏得啱啱好👏🏻外皮煎得好香脆，但入面嘅肉質卻係鮮嫩無比，猶如蒸魚一樣，一啲都唔鞋口，更無腥味，味道非常好👍🏻
白胡椒爆炒南非鮑魚
食鮑魚通常都係清蒸，好少食白胡椒爆炒呢個煮法，估唔到味道又幾唔錯！😍 白胡椒香濃得來又唔會遮蓋咗鮑魚嘅鮮味💕 鮑魚大隻又厚肉，食落去好彈牙👍🏻
蒜蓉粉絲蒸蟶子王
爸爸大讚蟶子比屯門食開海鮮嘅地方更為新鮮，大隻且肉質爽口鮮甜👍🏻 加上蒜蓉粉絲呢個最佳配搭，一人一隻真係唔係幾夠喉😂
江南百花雞
見到菜名幾得意，但以為都係普通雞， 但原來呢味百花雞係廣東四大名菜之一 將蝦膠同豬肉釀喺雞皮上面， 兩者竟然好似融為一體地毫無違和感！"雞件" 入口滑溜口感佳，
蝦膠異常鮮爽彈牙，真係令人一試難忘😋
上湯浸時菜
雖然係簡單嘅菜式， 但以最新鮮嘅蔬菜， 可以帶出最佳嘅滋味， 亦係清腸胃之選🤭
招牌御膳炒飯
炒飯炒得粒粒分明， 唔會太乾身亦都唔會太油膩！ 炒飯仲非常揼本同足料地加咗好多嘅帶子一齊炒，吊出飯香之餘仲加強口感， 令到我呢個飯桶忍唔住食完一碗又一碗！😂
甜品
我哋揀咗椰汁同芒果布甸， 試得出係自家製之作，因為真係落足料！香滑又夠味😍
张贴
