影片
更多
2023-11-09
37 浏览
大埔高質邊爐🍲舊墟直街多好嘢食，身為大埔人一定知。平時不嬲食開平價邊爐任食，今日決定豪返一次～ 果然真係好大分別，意想不到的高質😋環境-中華風一入到去已經見到大紅燈籠🏮高高掛，另外每張枱都有好充足位置放食材，旁邊仲有餐車，多多都擺得晒。九宮格配料自己慢慢配搭，唔使好似平時咁同人逼。裝豉油個樽係古代酒杯「觴」，好特別😂湯底-花膠雞湯鍋個鍋有兩個龍🐲頭加上金色，勁有宮廷feel。打邊爐最緊要就係個湯底，職員會先幫手將花膠剪成細塊，滾一陣之後就可以飲頭啖湯，一入口非常濃郁，又唔會死鹹。雞肉🐔本身已經煮到半熟，飲完湯之後再落雞肉滾多3分鐘就食得，非常嫩滑👍🏻食材-🐮牛肉拼盤(細) - 寫住係細，但都有七種咁多！每種份量都有4片以上，而且都好新鮮，個人最鍾意安格斯牛小排，牛香濃郁之餘肉質非常軟諗；手打鮮牛丸 - 新鮮牛肉，無多餘調味，唔似出面牛肉丸比胡椒蓋過牛味；伊比利亞橡果豬🐷 - 豬仔橡果飼養，有種非常獨特的甘香味道，肉嫩多汁；雜菜🥬拼盤 - 真係要大讚職員夠哂心機，將金菇、幾種菜、木耳、粟米、蕃茄等插花咁擺盤，真係靚到唔捨得夾🤣 加入湯底之後再飲湯，就會充滿蔬菜的清甜，加分～龍蝦餃 - 手
舊墟直街多好嘢食，身為大埔人一定知。平時不嬲食開平價邊爐任食，今日決定豪返一次～ 果然真係好大分別，意想不到的高質😋
環境-中華風
一入到去已經見到大紅燈籠🏮高高掛，另外每張枱都有好充足位置放食材，旁邊仲有餐車，多多都擺得晒。九宮格配料自己慢慢配搭，唔使好似平時咁同人逼。裝豉油個樽係古代酒杯「觴」，好特別😂
湯底-花膠雞湯鍋
個鍋有兩個龍🐲頭加上金色，勁有宮廷feel。打邊爐最緊要就係個湯底，職員會先幫手將花膠剪成細塊，滾一陣之後就可以飲頭啖湯，一入口非常濃郁，又唔會死鹹。雞肉🐔本身已經煮到半熟，飲完湯之後再落雞肉滾多3分鐘就食得，非常嫩滑👍🏻
食材-
🐮牛肉拼盤(細) - 寫住係細，但都有七種咁多！每種份量都有4片以上，而且都好新鮮，個人最鍾意安格斯牛小排，牛香濃郁之餘肉質非常軟諗；
手打鮮牛丸 - 新鮮牛肉，無多餘調味，唔似出面牛肉丸比胡椒蓋過牛味；
伊比利亞橡果豬🐷 - 豬仔橡果飼養，有種非常獨特的甘香味道，肉嫩多汁；
雜菜🥬拼盤 - 真係要大讚職員夠哂心機，將金菇、幾種菜、木耳、粟米、蕃茄等插花咁擺盤，真係靚到唔捨得夾🤣 加入湯底之後再飲湯，就會充滿蔬菜的清甜，加分～
龍蝦餃 - 手工餃，咬左一啖就見到龍蝦肉，真材實料👍🏻
甜品-
火焰焦糖豆腐花 - 用迷你豆腐花桶裝，職員會先將黃糖放係豆腐花面，用火槍燒到變焦糖。
入口有少少焦香，再加少少黃糖、糖水，好香豆味～
张贴
