影片
更多
2022-09-29
963 浏览
今日工作需要快閃觀塘，夜咗啲收工個肚打晒鼓，同事推介一間新餐廳，食完真心推介，講緊嘅就係呢間「壹.01」台式食品餐廳啦！鋪頭位於觀塘中海日升中心2樓，即係駿業街嗰邊。雖然店面唔算好大，但係好四正，店內係自助式用QR Code落單，方便客人慢慢揀。職員服務亦好有禮貌，重點係食物好抵食！🎈壹.01芒果魯肉飯 $58餐廳特別推介嘅芒果魯肉飯，多汁鮮甜嘅芒果🥭，配上熱辣辣嘅魯肉飯🍚，出奇地夾！餐廳句tagline「睇落小奇怪，食落好和諧」真係無講錯😂而且芒果同魯肉嘅份量都好多，絕對夠送飯有餘🤭🤭🎈特盛紫菜手撕雞便當 $77呢個就係我至愛💜，滑捋捋、香噴噴嘅手撕雞，配上大量蔥花同紫菜，食落又香又有層次感，真係正到無朋友！🤤而且飯入面仲有菜甫、西蘭花、椰菜、滷水面根等配料，又滋味又飽肚，呢個價錢性價比超高！細食嘅女仔可以考慮同人夾份食，咁就可以留下胃口食下面嘅小食啦✌🏻🎈芋泥肉鬆蛋餅 $39呢個小食我第一次試，幾驚喜😮軟綿綿嘅蛋餅香滑芋蓉，配上咸香肉鬆，味道好好！初初我有擔心會唔會膩同滯，但食落完全無，可以當小食咁同朋友兩份食😉🎈台北夜市小食併盤 $39小食併盤份量好多，有台式香腸、花枝丸、炸雞，
鋪頭位於觀塘中海日升中心2樓，即係駿業街嗰邊。雖然店面唔算好大，但係好四正，店內係自助式用QR Code落單，方便客人慢慢揀。職員服務亦好有禮貌，重點係食物好抵食！
🎈壹.01芒果魯肉飯 $58
餐廳特別推介嘅芒果魯肉飯，多汁鮮甜嘅芒果🥭，配上熱辣辣嘅魯肉飯🍚，出奇地夾！餐廳句tagline「睇落小奇怪，食落好和諧」真係無講錯😂而且芒果同魯肉嘅份量都好多，絕對夠送飯有餘🤭🤭
🎈特盛紫菜手撕雞便當 $77
呢個就係我至愛💜，滑捋捋、香噴噴嘅手撕雞，配上大量蔥花同紫菜，食落又香又有層次感，真係正到無朋友！🤤而且飯入面仲有菜甫、西蘭花、椰菜、滷水面根等配料，又滋味又飽肚，呢個價錢性價比超高！細食嘅女仔可以考慮同人夾份食，咁就可以留下胃口食下面嘅小食啦✌🏻
🎈芋泥肉鬆蛋餅 $39
呢個小食我第一次試，幾驚喜😮軟綿綿嘅蛋餅香滑芋蓉，配上咸香肉鬆，味道好好！初初我有擔心會唔會膩同滯，但食落完全無，可以當小食咁同朋友兩份食😉
🎈台北夜市小食併盤 $39
小食併盤份量好多，有台式香腸、花枝丸、炸雞，每一款都有幾粒，一定夠食，而且係新鮮炸好上菜，香口又惹味😋呢個價錢，真係抵食到爆！
🎈手作芋頭鮮奶 (S) $38
奶香加上芋頭蓉非常襯，鮮牛奶質地又薄又滑，配街頭小食係唔錯的選擇~🥛
🎈雙檸冬瓜茶(M) $35
我自己就更加中意飲呢杯款冬瓜茶☕, 揀左少甜同少冰, 所以凍同甜度都恰到好處，而且好解渴，檸檬🍋清新感覺亦好突出。
事後睇返單，先發現食物比我預期中平咗😮原來餐廳而家做緊2:30pm之後落單有九折，特飲仲有半價😮😮😮嘢食好味仲要咁扺，絕對encore-able 🎖👍🏻
张贴
