Wingman (閣麟街)

营业中

休息中

雞翼應該係個個人都中意食，近來嘅雞翼專門店越來越多，但依間吸引嘅係有埋類似刈包嘅嘢食。裝修特別，有冷光條做嘅字，成個地方都好舒服同放鬆。講明食雞翼，雞翼嘅款式都唔少，我哋點咗新加坡辣蟹口味同黑芝麻蜂蜜海鮮口味，一款六隻，唔算大隻，仲有肉汁唔會太乾。新加坡辣蟹都幾辣，配上乾蒜同鮮辣椒十分嘅惹味。黑芝麻蜂蜜就比較易入口，甜甜地加上少少鮮味。我地另外仲點咗越式手撕雞翼蒸包同甜薯薯條，蒸包好好食，軟軟地又香，手撕雞翼唔算突出，但兩者配合得好好，上面再灑上葱花同芝麻，加上少少香辣嘅醬汁，好有記憶點。甜薯薯條係我朋友食嘅，點嘅係同蒸包上一樣嘅醬汁，外脆內軟，香氣得宜。見佢lunch都好抵食，下次午餐可以一試。