影片
更多
2023-08-11
769 浏览
ÉPURE 尖沙咀 香港 米之蓮🌟2017年至今（2023年）連續7年獲得米之蓮一星🌟榮譽，由行政總廚Nicolas Boutin 與主廚Fabien Vergé攜手帶領客人體驗震撼味蕾的法式美食之旅。整體黎講個人呢餐覺得好食有驚喜，份量或者唔算太多，但都夠飽肚。服務亦到位有水準，兩名職員同時將兩名顧客菜式一致棒上，每道菜都有職員講解，雖然唔詳細，但有將重點帶出，呢點個人覺得米之蓮黎講係有需要。晌香港食過兩間米之蓮中菜同上海菜都無做到，或者晌佢地心目中menu有寫？又或者佢地覺得中菜唔駛？但呢個都係一種尊業服務的表現，因為食過唔係米之蓮的中菜有呢個服務。———————————————————————————-Bread:Black Pepper Cheese Croissant及French Baguette 配法國牛油，前者黑糊淑味重又帶少少芝士味，兩種麵包都非常酥脆。Beef tartare cannelloni:以日本和牛及法國牛兩者整成生牛肉他他醬脆卷，脆卷中間部位有點潮左，味道感覺唔知點解有少少似蔥油味。《圖二下方為此菜式》*Sea urchin with Jerusal
2017年至今（2023年）連續7年獲得米之蓮一星🌟榮譽，由行政總廚Nicolas Boutin 與主廚Fabien Vergé攜手帶領客人體驗震撼味蕾的法式美食之旅。
整體黎講個人呢餐覺得好食有驚喜，份量或者唔算太多，但都夠飽肚。服務亦到位有水準，兩名職員同時將兩名顧客菜式一致棒上，每道菜都有職員講解，雖然唔詳細，但有將重點帶出，呢點個人覺得米之蓮黎講係有需要。
晌香港食過兩間米之蓮中菜同上海菜都無做到，或者晌佢地心目中menu有寫？又或者佢地覺得中菜唔駛？但呢個都係一種尊業服務的表現，因為食過唔係米之蓮的中菜有呢個服務。
———————————————————————————-
Bread:
Black Pepper Cheese Croissant及French Baguette 配法國牛油，前者黑糊淑味重又帶少少芝士味，兩種麵包都非常酥脆。
Beef tartare cannelloni:
以日本和牛及法國牛兩者整成生牛肉他他醬脆卷，脆卷中間部位有點潮左，味道感覺唔知點解有少少似蔥油味。《圖二下方為此菜式》
*Sea urchin with Jerusalem artichoke:
以耶路撒冷朝鮮薊（別稱為菊芋，是一種可食的塊莖，外形有點像薑，味道似咸咸地的堅果味）做成的外殼加少少糖醬做成的外殼包著海牙，味道又有少少似帶出海膽的海洋咸味。《圖二右上為此菜式》
*店員指食前完前兩者，再飲凍湯balance返兩者的味道。《圖二左上為此菜式）
Kegani crab with cauliflower and curry:
一個三層的前菜菜式，每層雖然薄薄地，職員建議每湯匙🥄起三層一起食用。第一層以青蘋果做的啫喱，第二層以椰菜花碎做成，第三層較厚的一層以日本毛蟹配咖喱做成。味道方面咖喱味較重，蘋果味較淡，椰菜花味食唔係幾出。咖喱味有少少蓋過其他兩者。
Glazed foie gras with Maderia and maple syrup :
一個外型似兩粒朱古力波菜式，但佢絕對唔係咩甜品朱古力。大粒為鴨肝醬，細粒為鴨肉火腿醬，外表包著楓糖醬做成的糖衣皮，再配上側邊的醬酸酸的醬加馬德拉酒，搽麵包🥖食。
此菜上時會兩片酥脆軟熟的多士一起上，先將兩粒波波切開一半，每片多士搽上半份鴨肝醬鴨肉火腿再點上醬汁一起食用。對懶人的我來說有點麻煩，麻煩在佢地糖衣皮，不過整體味道幾好鴨香味非常之重，醬汁有點太酸，但唔搽佢的話，菜式又好似無左靈魂咁。
Roasted scallop with yari-ika and sauce nero：
脆絲、槍魷魚刺身、香煎美國帶子配兩種醬汁，黑色為墨魚汁，黃色似係子做成的黃油汁？🤔，此菜個人覺得最好的兩道菜之一，脆脆及陣牙的口感。
Langoustine with savoy cabbage and vin jaune:
海螯蝦鄒葉椰菜做成的餃子，配上黃酒汁及蜆肉打成的泡沫。法國的餃子皮包法有點特別，包好左又似未包好。蝦肉爽口鮮美，最好食的兩道菜之一。
Quail ”albufera” with pomme soufflé:
煙燻鵪鶉腿肉及胸肉做成的一道菜，煙燻香味效果重，表面灑了一層脆粒及香料碎，再配上兩個脆薯片球一起食用。
Momo peach with rosé champagne and lemon verbena:
甜點其實係兩個。第一道上係焦糖薄荷醬檸檬雪葩（可能馬鞭草？），薄荷味重到我以為刷緊牙😳。另外一款係玫瑰香檳桃子甜品有點酸。
Mignardises:
三款法式美點，上層焦糖蛋，中層朱古力，下層燕麥脆脆。
36 浏览
0 赞好
0 留言
Beef tartare cannelloni and Sea urchin with Jerusalem artichoke
33 浏览
0 赞好
0 留言
Kegani crab with cauliflower and curry
34 浏览
0 赞好
0 留言
Glazed foie gras with Maderia and maple syrup
27 浏览
0 赞好
0 留言
29 浏览
0 赞好
0 留言
Roasted scallop with yari-ika and sauce nero
25 浏览
0 赞好
0 留言
Langoustine with savoy cabbage and vin jaune
22 浏览
0 赞好
0 留言
Quail ”albufera” with pomme soufflé
21 浏览
0 赞好
0 留言
16 浏览
0 赞好
0 留言
20 浏览
0 赞好
0 留言
13 浏览
0 赞好
0 留言
17 浏览
0 赞好
0 留言
张贴
