船皇 (謝斐道) (已結業)

前排又去食左船皇！佢嘅船麵食完之後真係番唔到轉頭🤤呢間黎自泰國🇹🇭過江龍嘅船皇係泰國有50間分店！佢地嘅船麵好食得黎超地道，尤其係佢嘅湯底好出名，用牛骨、豬血、斑蘭葉、枸杞等每日新鮮熬製8個鐘而成，唔怪得咁受歡迎🤗揀左午市時間去食，佢嘅午市套餐好抵，任何船麵都係均一價錢，跟餐配飲品同小食各一款，都係$78！＋$10仲可以升級做和牛船麵添🥩🤩另外佢地最近仲做緊疫情優惠，推出左「牛魔王/船皇串燒拼盤」同埋「船皇車仔麵」😛緊係要試下啦🔻船麵麵底可以揀蛋麵/米粉/金邊粉/河粉，佢嘅湯底真係好濃郁，好有藥材湯嘅味道😍啲麵非常入味，和牛肉質好嫩一啲都唔韌，仲有佢嘅炸豬皮都好出色😛超脆超香口😋🔻小食揀左單骨泰妹雞翼4件同泰式無骨鳳爪，雞翼煎得好香口，單骨好方便食添😛無骨鳳爪酸酸甜甜咁，仲要冇骨，好食😆🔻另外仲食左牛魔王串燒拼盤$88，有牛柳粒、牛舌同沙爹牛肉各兩串，食落好惹味，辣度適中😛🔻飲品方面就叫左泰仔凍奶茶（套餐+$8）同凍咖啡，佢用個好有特色嘅容器裝住，感覺好地道😛奶茶好香滑，甜度適中👍🏼