鏞鏞．藝嚐館

营业中

休息中

去紅館體show 之前嚟呢度試吓高檔粵菜，興幸中菜可以有貴同好食的選擇。叫咗子薑皮蛋、招牌肥燶叉、鼓油雞例牌、芥蘭炒臘味、杏汁白肺湯、白兔糖奶凍，茶2位叫了雨前龍井同菊花。非常appreciate食物每様細細份，可以試多幾樣又唔會浪費。最欣賞係個炒芥蘭，大部分係幼嫩的菜莖上段，脆口又夠芥蘭獨有的甘甜。叉燒同埋豉油雞係意料之中嘅水準，叉燒一啖一件，半肥瘦好腍，豉油雞上碟時問我哋要唔要加燒味汁，梗係要😋，撈飯一流（不過因為生酮飲食冇叫飯，燒汁點雞皮食）。杏汁白肺湯足料，湯水未及想像中的濃。白兔糖奶凍有創意，中晒本地集體回憶，可惜奶凍個味唔係咁似白兔糖嘅味🤔壺茶一個人真係飲唔晒咁大壺，細壺茶濃就好，有機會再去會叫佢只係斟半壺水。餐廳將傳統粵菜年輕化，走高檔年輕化路線之餘，希望每一台嘅座位有返少少私隱，同埋張凳坐得舒服啲，咁我帶外國/飲食男女朋友去食中菜嘅時候就必定會揀呢間。