Boholic

营业中

休息中

芝士焗澳洲薯皮💯薯皮雖然係焗嘅但唔乾，香脆嘅薯皮再加上上面一粒粒嘅脆煙肉粒，中間超多嘅拉絲芝士同本身嘅薯仔肉，成個薯皮有兩層嘅口感又脆又軟。呢碟菜仲配咗沙律菜同酸奶，解返芝士同薯仔嘅濟美式BBQ醬烤焗西斑牙豬肋骨配洋蔥圈🍖豬肋骨好似有慢煮過咁，啲肉輕輕力就可以拆出嚟，又有啲肉汁，再搽咗一層BBQ醬，側邊有洋蔥圈、辣醬、調味沙律。最特別係仲有兩大個燒菠蘿，燒菠蘿表面灑咗啲肉桂粉，咬落去超級多汁，令到豬肋骨冇咁膩，好正！士多啤梨牛油果沙冰🍸冇諗過士多啤梨同牛油果可以咁夾！有士多啤梨味又唔會搶咗牛油果味，唔知係有落奶定牛油果嘅原因，呢杯完全飲唔到沙冰碎冰嘅口感，係一杯好幼滑嘅奶昔菠蘿火龍果沙冰🥤有別於上一杯creamy嘅口感，呢杯係行清新嘅路線，感覺係新鮮水果打嘅沙冰，用咗紅火龍果同菠蘿🍍泰式珍珠奶茶疏乎厘班戟🍮疏乎厘斑戟係Boholic一定要試嘅餐點！斑戟好厚身有兩大塊，攞嚟嘅時候震揗揗咁好有食慾。表面落咗好多泰式奶茶cream，食落都好重奶茶味，再加埋啲珍珠做點綴。切斑戟嘅時候聞到好香嘅蛋味，食落都一樣好香，明明已經食飽咗，但食完個疏乎厘斑戟之後都唔會覺得膩，做得啱啱好❤️❤️❤️