影片
更多
2024-02-02
23 浏览
呢間居酒屋格局的小店都幾特別，門面招牌有好多燈箱，行過已經被吸引，就算夜晚八點幾鐘，門口都仲有人排隊等入座。好彩今餐食自己，一個人所以只等咗一陣就有位。店內下層是Bar檯座，上層是榻榻米，牆上貼滿好多唔同既雜誌海報，天花板掛滿日式燈籠，好有懷舊復古feel。雖然開放式廚房但場內通風都算幾好，唔大油煙味。自選天婦羅丼 $30(包餐湯、前菜) 佢地主打天婦羅丼，可以自選多款天婦羅，價錢好抵，大部分蔬菜類如金菇、四季豆、茄子、南瓜等都只係$8件，特別的如紫蘇蝦膠、雞肉、黑虎蝦、帆立貝、希靈魚等$12，最受歡迎如廣島蠔、鮮帶子、鰻魚等都只係$18件，任君選擇，即叫即炸。咖哩湯蕎麥麵 +$8可自選配飯、烏冬或蕎麥麵，我特別加$8食咖哩湯蕎麥麵，咖喱湯唔辣不過都好香；蕎麥麵份量超級多，食完真係飽肚，麵身不會過於軟爛，口感都幾好。鰻魚 +$18炭燒鰻魚就食得多，鰻魚天婦羅都係第一次食，一口咬落去外脆内軟，沒有腥味且魚肉口感軟綿，好好味。半熟蛋 +$12要將蛋炸得啱啱好，能夠做到內裡蛋黃仍然流心的效果，應該要有一定的廚藝水準吧。紫蘇蝦膠 +12用紫蘇葉包住蝦膠一齊炸，蝦膠非常爽彈，又帶點紫蘇葉香氣，都
自選天婦羅丼 $30(包餐湯、前菜)
佢地主打天婦羅丼，可以自選多款天婦羅，價錢好抵，大部分蔬菜類如金菇、四季豆、茄子、南瓜等都只係$8件，特別的如紫蘇蝦膠、雞肉、黑虎蝦、帆立貝、希靈魚等$12，最受歡迎如廣島蠔、鮮帶子、鰻魚等都只係$18件，任君選擇，即叫即炸。
咖哩湯蕎麥麵 +$8
可自選配飯、烏冬或蕎麥麵，我特別加$8食咖哩湯蕎麥麵，咖喱湯唔辣不過都好香；蕎麥麵份量超級多，食完真係飽肚，麵身不會過於軟爛，口感都幾好。
鰻魚 +$18
炭燒鰻魚就食得多，鰻魚天婦羅都係第一次食，一口咬落去外脆内軟，沒有腥味且魚肉口感軟綿，好好味。
半熟蛋 +$12
要將蛋炸得啱啱好，能夠做到內裡蛋黃仍然流心的效果，應該要有一定的廚藝水準吧。
紫蘇蝦膠 +12
用紫蘇葉包住蝦膠一齊炸，蝦膠非常爽彈，又帶點紫蘇葉香氣，都唔錯。
唐揚魷魚鬚 $38
魷魚鬚所用嘅係唐揚炸漿，所以炸皮鹹香鬆脆，魷魚食落一啲都唔韌，少少爽牙口感。
炸蘋果伴雪糕 $28
最後用甜品作結，炸蘋果亦係第一次食，蘋果肉軟淋淋仲有一點點甜，再配以海鹽味雪糕（可選雲呢拿雪糕)，好特別亦好正，可以一試。
张贴
