火土燒肉

最錫我既大姐又帶我去食好野啦，知我鍾意新玩意，就帶左我黎呢間新闉既露營主題燒肉餐廳。一去到已經被佢既裝飾吸引，全部都係露營用品。好正😍每枱都有齊營營既餐具，擺設，包括露營椅都係好有feel😍講下佢食物質素先😋全牛特選拼盤 $458最愛食牛既我地必叫啦，幾款不同既牛都超好食，佢唔係和牛果隻入口即溶，但超有牛味，好新鮮。我印象中雪花多果款牛係最好食，而且自己燒可控制生熟情程度。哩個係必食，真心推介。😋燒肉拼盤 （豬牛雞）$375黎得都想試埋佢既豬同雞，豬就超有驚喜，一般豬都未必食到好鮮既豬味，但哩幾款豬都食到個下新鮮。係算超好味果隻，反而雞就一般，冇驚喜。😋厚燒牛舌 $118因為以上拼盤既牛舌都係薄身，竹本人比較喜歡厚切，就叫左個厚身牛舌。原來黎到係得一舊，係好厚，但食落去好煙靭，唔似平時食開一串串既厚切牛舌咁，好爽既感覺。所以哩個可以唔叫都得。😋鹽燒虎蝦 $118虎蝦反而冇想像中大隻，黎到既時候仲係有冰痴住隻蝦，未解晒凍。所以都未算好鮮甜。😋蒜香牛油扇貝 $136扇貝唔算好大粒但好鮮甜，我地掛住影相，燒到乾左。😋雞肉腸 （後期朋友追加唔記得個名同幾錢）哩個肉質都鮮甜，不過都唔算😋手工啤酒