影片
更多
2021-03-22
825 浏览
一個月前朋友終於book到Rosewood嘅The Butterfly Room，而我亦為咗食到一檯難求嘅afternoon tea，專登請假同朋友一齊去😆.✨Afternoon Tea✨$798 for TWO🦋Tea Sandwiches侍應逐一介紹4款鹹點，但介紹完我都唔太記得係乜😆剩係記得幾款嘅味道都唔錯，青瓜卷幾清新，黑松露三文治好香，青豆撻就幾特別！🦋Elegant Surprise呢款松露雞肉酥皮盒係唯一嘅熱食，白汁味道香濃，酥皮都算酥脆，但唔知點解用刀叉都唔易切開，最後放棄咗改用手食😅🦋Freshly Baked DelicaciesScone有兩款，分別係原味及提子味，配同clotted cream及2款果醬，clotted cream幾滑身，士多啤梨果醬比較普通，香橙果醬味道比較濃郁，夾雜橙皮嘅苦味！兩款scone其實真係幾好食，但真係太飽，最後每款只食咗一啖就放棄😅🦋Pastry Trolley 呢間餐車嘅甜品都幾好食，士多啤梨戚風蛋糕好鬆軟，入口即溶咁😋焦糖芝士蛋糕外層嘅脆脆好有口感，但味道偏甜；班蘭撻唔太甜，有陣陣班蘭香味，味道唔錯😋Lemon Madelei
.
✨Afternoon Tea✨$798 for TWO
🦋Tea Sandwiches
侍應逐一介紹4款鹹點，但介紹完我都唔太記得係乜😆剩係記得幾款嘅味道都唔錯，青瓜卷幾清新，黑松露三文治好香，青豆撻就幾特別！
🦋Elegant Surprise
呢款松露雞肉酥皮盒係唯一嘅熱食，白汁味道香濃，酥皮都算酥脆，但唔知點解用刀叉都唔易切開，最後放棄咗改用手食😅
🦋Freshly Baked Delicacies
Scone有兩款，分別係原味及提子味，配同clotted cream及2款果醬，clotted cream幾滑身，士多啤梨果醬比較普通，香橙果醬味道比較濃郁，夾雜橙皮嘅苦味！兩款scone其實真係幾好食，但真係太飽，最後每款只食咗一啖就放棄😅
🦋Pastry Trolley
呢間餐車嘅甜品都幾好食，士多啤梨戚風蛋糕好鬆軟，入口即溶咁😋焦糖芝士蛋糕外層嘅脆脆好有口感，但味道偏甜；班蘭撻唔太甜，有陣陣班蘭香味，味道唔錯😋Lemon Madeleine唔覺有檸檬味，但都香甜鬆軟，我幾鍾意😋朋友就最鍾意忌廉拿破崙，佢最終食咗4件😋
🦋Confectionery Trolley
相反呢架餐車嘅甜品就比較失色，朱古力都偏甜😓圓形嗰款食完一啖後甜到唔想再食，只有一款dark chocolate蛋糕係香濃而唔甜😅士多啤梨mousse相對最好食，味道酸酸甜甜，仲有白色嘅脆脆，幾清新😋
🦋Refillable Coffee or Tea
分別揀咗The Butterfly Room Blend及French Earl Grey，兩款茶都好香，雖然侍應不停加水，但茶味都無變淡👍🏻
侍應服務友善又貼心，環境又舒適，好啱同閨蜜傾計打卡👍🏻食物味道及質素都ok，除咗Tea Sandwiches及Elegant Surprise外，其他都可以refill👍🏻真係好啱大食嘅甜品控🤩但我比較細食，基本上食完鹹點已經飽飽地，所以對我嚟講就唔太值，試過一次就夠啦😆
张贴
