影片
更多
2019-09-23
1065 浏览
La Vache! #尖沙咀La Vache 牛扒配特色醬汁及任添薯條及核桃沙律 $318 呢間牛扒餐廳超級出名，成間餐廳剩係得一味菜，就係佢哋嘅USDA頂級美國安格斯肉眼扒！一入到去店員就會問你想要幾多成熟，我哋分別嗌咗三成熟同埋五成熟，講真兩塊扒嘅生熟程度差唔多，冇太大分別，不過兩者都係好好食，一咬落去有種外面煎到微脆、內裏好淋嘅感覺，啲肉汁仲要泌晒出嚟，但係又唔會覺得有血水味，配埋佢哋特製嘅醬汁真係好正！佢個醬汁味道都幾特別，甜甜鹹鹹咁，有啲似稀稀地嘅bearnaise sauce，不過個牛扒其實就咁食都已經好夠。另外佢哋嘅薯條都炸得好香脆！佢係幼身、好似麥當勞嘅嗰隻粗幼度，但係香過麥當勞嗰啲好多，個味似係用咗牛嘅油去炸，就咁食都好有味，仲要有得任添！咁啱係OpenRice度見到九月期間每一枱仲有一個免費甜品！店員會推一架甜品車俾你揀你想食嘅甜品，每一日都會唔一樣，而且賣晒就無，今次嗌咗個chocolate tart，用咗黑朱古力嚟整，配上用咖啡味餅乾整成嘅撻皮，味道超香濃！成個朱古力撻好似一個好濃郁嘅chocolate mousse，真心好好味！如果冇呢個優惠嘅話就要額外加多$
La Vache 牛扒配特色醬汁及任添薯條及核桃沙律 $318
呢間牛扒餐廳超級出名，成間餐廳剩係得一味菜，就係佢哋嘅USDA頂級美國安格斯肉眼扒！一入到去店員就會問你想要幾多成熟，我哋分別嗌咗三成熟同埋五成熟，講真兩塊扒嘅生熟程度差唔多，冇太大分別，不過兩者都係好好食，一咬落去有種外面煎到微脆、內裏好淋嘅感覺，啲肉汁仲要泌晒出嚟，但係又唔會覺得有血水味，配埋佢哋特製嘅醬汁真係好正！佢個醬汁味道都幾特別，甜甜鹹鹹咁，有啲似稀稀地嘅bearnaise sauce，不過個牛扒其實就咁食都已經好夠。
另外佢哋嘅薯條都炸得好香脆！佢係幼身、好似麥當勞嘅嗰隻粗幼度，但係香過麥當勞嗰啲好多，個味似係用咗牛嘅油去炸，就咁食都好有味，仲要有得任添！
咁啱係OpenRice度見到九月期間每一枱仲有一個免費甜品！店員會推一架甜品車俾你揀你想食嘅甜品，每一日都會唔一樣，而且賣晒就無，今次嗌咗個chocolate tart，用咗黑朱古力嚟整，配上用咖啡味餅乾整成嘅撻皮，味道超香濃！成個朱古力撻好似一個好濃郁嘅chocolate mousse，真心好好味！如果冇呢個優惠嘅話就要額外加多$118去食個甜品，即刻冇咁抵啦，所以趁九月仲有呢個優惠就好去食！
另外仲會配埋沙律同埋麵包，呢兩樣就正正常常啦，都係一啲基本嘅starter黎姐。
仲有超好彩，唔知係咪因為我哋食到佢差唔多收舖，又咁啱坐喺個bar前面，個bartender最後仲送咗兩杯shots俾我哋！
味道: 4.6/5
性價比: 4.5/5(with free dessert promotion)
$318
88 浏览
0 赞好
0 留言
张贴
