達記 (已結業)

晏晝想買個飯盒返屋企食，知道駱克道熟食市場有好多臥虎藏龍的餐廳所以專登去尋寶， 最喜歡嗰度啲嘢食夠鑊氣 。 行過達記 ，睇嚟幾好，就揀呢間 。叫咗一個午餐客飯，兩餸一湯， 32蚊 。外賣叫咗沙薑雞同煎釀茄子兩個餸 ！個沙薑雞，好入味， 肉滑，好食，仲搭兩條菜芯添！另外叫咗個煎釀茄子 (明知外賣會冧，但因為我係茄子控，冇計 ！) 回家見到茄子切得靚 ， 煎出嚟的顏色亦靚。白飯都ok，軟硬適中.個湯就冇乜特別 ，今天是白菜湯， 叫做有幾條白菜可以食下。 總括而言， 性價算很高。