影片
以上资料只供参考，请与餐厅确认详情
一般会和朋友一大班人去食。始终街市个环境唔会太干净，亦都会有人食烟。不过每碟𩠌大约4-50蚊，都几扺食。而且白饭任装，绝对会够饱！特别推介黄金猪扒，芥末牛柳粒，炭烧猪颈肉。
继续阅读
达记系读书时代既饭堂，以前夜晚同同学一大班人最钟意黎呢度食。呢日同以前既同学约食饭，二话不说就黎达记。最推介就系呢度既咸蛋黄炸猪排，自第一次食过之后每次黎都必叫！咸香味好出，要黎送饭一流！佢既西柠鸡都好好食，但两个女仔食唔到咁多肉，不过都认真推荐埋单106蚊两个人，抵到烂啊
继续阅读
晏昼想买个饭盒返屋企食，知道骆克道熟食市场有好多卧虎藏龙的餐厅所以专登去寻宝， 最喜欢𠮶度啲嘢食够镬气 。 行过达记 ，睇嚟几好，就拣呢间 。叫咗一个午餐客饭，两𩠌一汤， 32蚊 。外卖叫咗沙姜鸡同煎酿茄子两个𩠌 ！个沙姜鸡，好入味， 肉滑，好食，仲搭两条菜芯添！另外叫咗个煎酿茄子 (明知外卖会冧，但因为我系茄子控，冇计 ！) 回家见到茄子切得靓 ， 煎出嚟的颜色亦靓。白饭都ok，软硬适中.个汤就冇乜特别 ，今天是白菜汤， 叫做有几条白菜可以食下。 总括而言， 性价算很高。
继续阅读
呢排lunch都钟意同d同事出去周围揾食！有平有贵！有时食完餐贵既第二日又揾间平既黎食～呢餐我地去左骆克道街市揾食！哈～其实都唔系第一次黎揾食，不过以前无特别影相。呢排有心机写openrice，所以会影下～其实都唔系间间都好食！话说之前去过2楼上到去转右左手边既一档，真系中左好大个伏！d野完全唔掂！今次去左达记，呢间食过几次都ok，又够快！而且应该系老板娘既staff好nice！有次佢介绍左我食呢个牛肉炒面，正！老板娘话系因为d豆豉！sorry个豆豉真系唔记得叫咩名！不过大家可以show呢张相比老板娘睇，因为我再去既时候都系系咁讲豆豉炒牛肉面佢就知系咩～饮埋杯港式COT真系不得了～
继续阅读
昨晚在湾仔买滑雪用品路过此中心、在二楼之达记叫了一个炒菜远斑腩和一个煎蚝仔饼。菜心炒得够爽脆, 斑腩炸致外脆内嫰，而蚝仔够 juice, 蛋煎到脆卜卜。另外奉送例汤, 白饭任装。
继续阅读