達記 (已結業)

一般會和朋友一大班人去食。始終街市個環境唔會太乾淨，亦都會有人食煙。不過每碟餸大約4-50蚊，都幾扺食。而且白飯任裝，絕對會夠飽！特別推介黃金豬扒，芥末牛柳粒，炭燒豬頸肉。

達記係讀書時代既飯堂，以前夜晚同同學一大班人最鐘意黎呢度食。呢日同以前既同學約食飯，二話不說就黎達記。最推介就係呢度既咸蛋黃炸豬排，自第一次食過之後每次黎都必叫！咸香味好出，要黎送飯一流！佢既西檸雞都好好食，但兩個女仔食唔到咁多肉，不過都認真推薦埋單106蚊兩個人，抵到爛啊

晏晝想買個飯盒返屋企食，知道駱克道熟食市場有好多臥虎藏龍的餐廳所以專登去尋寶， 最喜歡嗰度啲嘢食夠鑊氣 。 行過達記 ，睇嚟幾好，就揀呢間 。叫咗一個午餐客飯，兩餸一湯， 32蚊 。外賣叫咗沙薑雞同煎釀茄子兩個餸 ！個沙薑雞，好入味， 肉滑，好食，仲搭兩條菜芯添！另外叫咗個煎釀茄子 (明知外賣會冧，但因為我係茄子控，冇計 ！) 回家見到茄子切得靚 ， 煎出嚟的顏色亦靚。白飯都ok，軟硬適中.個湯就冇乜特別 ，今天是白菜湯， 叫做有幾條白菜可以食下。 總括而言， 性價算很高。

呢排lunch都鐘意同d同事出去周圍搵食！有平有貴！有時食完餐貴既第二日又搵間平既黎食～呢餐我地去左駱克道街市搵食！哈～其實都唔係第一次黎搵食，不過以前無特別影相。呢排有心機寫openrice，所以會影下～其實都唔係間間都好食！話說之前去過2樓上到去轉右左手邊既一檔，真係中左好大個伏！d野完全唔掂！今次去左達記，呢間食過幾次都ok，又夠快！而且應該係老闆娘既staff好nice！有次佢介紹左我食呢個牛肉炒麵，正！老闆娘話係因為d豆豉！sorry個豆豉真係唔記得叫咩名！不過大家可以show呢張相比老闆娘睇，因為我再去既時候都係係咁講豆豉炒牛肉麵佢就知係咩～飲埋杯港式COT真係不得了～

昨晚在湾仔買滑雪用品路過此中心、在二樓之達記叫了一個炒菜遠斑腩和一個煎蚝仔餅。菜心炒得夠爽脆, 斑腩炸致外脆內嫰，而蚝仔夠 juice, 蛋煎到脆卜卜。另外奉送例湯, 白飯任裝。

午飯時間，灣仔區四處都是人頭湧湧，又貴又多人。想食價廉物美的午餐，街市的熟食區係上班族必選地方之一。陳皮鴨腿湯飯係呢度必點的菜色之一，31蚊的陳皮鴨腿湯飯，有一大一細的鴨腿，白飯任食。鴨腿煮得非常腍，快筷子輕輕一夾就骨肉分離。肉質不錯，而且唔會過咸，味道幾好。湯入面重有幾條菜心，感覺上健康左。湯的味道比想像中淡，主要都係鴨丶菜同少量味精煮出黎，用黎做湯飯味道很不錯。加埋一杯熱飲都係收31蚊，係灣仔區真係上班族的恩物。

好耐都冇去駱克道街市，差唔多十幾年前曾經喺度晚飯，埋單平到唔信，而且質素唔錯，今日特登再嚟食個晏，睇下仲會唔會有呢個感覺！一層嘅熟食市場，有好多間食肆，花多眼亂，最後揀左達記坐底。望下餐牌，純講價錢真係冇得輸，食物即叫炒，是日午餐只係HK$30，送熱飲，仲係即叫即炒，頭先望倒隔離枱有人叫左個唔咕嚕乜乜嘅東西，好似幾好，一於叫番個是日午餐咕嚕班腩飯食下先，飲例湯。例湯(應該係菜乾煲豬骨)好多菜乾呀，又有肉同豬嘅軟骨，好似幾唔錯咁喎，湯飲落唔嗆侯，冇乜味精。咕嚕班腩飯飯到！賣相可以喎。試啲酸甜汁先，偏甜，略嫌棄酸度不足。試下所謂嘅班腩先(當然，咁嘅價錢呢啲一定係鯰魚柳啦!) ，咬一啖，皮好脆心好軟，而且好熱。即炒我一早知，汁再加預先炸定嘅魚一炒就得啦，原來佢地係炒前先炸啲魚，啲魚並唔係預先炸好或者番炸，呢個做法真係值得讚！啖飯就普通啦，冇乜飯味，但預左啦，熱辣辣已經好好。結論： 只要用心煮，普通食材都可以成為佳餚美食架，心係最重要嘅！

今晚在家中晚飯後特找三舅公到灣仔聚一聚，來到他最愛的熟食中心(駱克道市政大廈街市熟食中心2樓)，踏入熟食中心，感受到各熟食店熱情的對待(大家都高叫著過來坐吧)最後我跟舅公到達記坐下。找位置坐下後，留意環境街市未致於破舊，坐位是舒服的，附近食客們高談闊論，整個場地氣氛讓我們唱所欲言(舅公盡訴他的當年情)，而我成為了他的聽眾。看看菜牌後，因大家都食過了晚餐，先點了二支裝嘉士伯啤酒，啤酒很快送到，職員見我們談得興高采烈，立即給我們啤酒桶，保持啤酒冰冷，十分細心。開瓶後會冒出一股略微刺鼻的氣味，倒在酒杯酒體為清澈的金黃色，飲一啖口感滑順濃郁，酒質甘醇，麥香較為明顯，好飲。正所謂，對酒當歌 人生幾何，有酒不能沒有肉所以點了炒豉椒炒蜆送上時，炒蜆香濃惹味，非常惹味又滋味。蜆肉調味得宜非常鮮味帶點清香。一邊談天，一邊舔吃炒得香濃惹味的蜆肉，人生一大快事美中不足有些不開口的蜆，是死了但沒有揀出丟掉。12X3+50=$HKD86元這個價錢可以接受的小總結:喜歡嘈吵的環境，感恩今餐是舅公銀包出血HAHA，這裡感滿人情味下次再來舉高酒杯，談天說地。

想平平地跟男朋友吃個晚飯，經過上次在鄰店的不愉快回憶後，不想再中伏，去平時多去打邊爐的達記，安心一點叫男朋友先上去，因為我真心頂不住一上去那班伙記起勢撥我入去他們的勢力範圍那一下 不知道的會以為我是上賓貴客果然後上好多了，不停說找人，圍著我的那堆人突散平時上來真的打邊爐多，未吃過他們的小菜。沒有什麼心水的情況下，叫達記過來幫我們話事 達記提議鹹蛋炒豬扒。老闆推介我一定試啦～ 另加一個斑腩豆腐煲以防萬一是日湯水是瘦肉粟米紅蘿蔔。一般水準啦先上的是斑腩豆腐煲。真的很足料很足料，羊毛出在羊身上，平日吃好一點的地方，原來只是消費在環境及周邊上魚肉肉質新鮮，炸漿也薄得可以。豆腐也有豆香。大排檔的鑊氣很緊要，這個熱氣得吃完可以第二朝立即喉嚨痛 幸好先喝三不賣，要不真的大鑊了大大煲上，男朋友見到開始見飽豬扒也到了一吃之下，驚為天人炸漿也是一樣薄，也不很鹹。要不是油膩了一點，這個我真心會打滿分 豬扒的肉質很鮮，份量也不合比例地多幸好沒有叫多一個菜，要不真的吃撐講真，這一餐我是沒有期望下到訪的。不過就算是有期望，也不欺客，有驚喜，交足功課呀！既然火鍋份量多又靚料(有很多魚頭和雞件的，很足料)，炒鑊都好，

今晚與同事共三人又來到灣仔飯聚，年關快到，大家也盡量想省些錢過年，最後我們來到駱克道的熟食中心覓食。甫踏入熟食中心，還以為自己是大豪客，來自不同食店的店員蜂擁而至來「爭客」，可見市道不像想像般完全「甦醒」，最後我們選了正中央的達記。熟食中心的環境不用多介紹，全場光管打下來的白光，桌椅不算新但也未致於破爛骯髒，食客高談闊論時亦不覺太過焗促吵耳。找個位置坐下後，看看菜牌，主打不是甚麼菜式，而是各式各樣的優惠，甚麼吃滿多少便送甚麼等等，花多眼亂。其實不計那些優惠，一般小菜也只是二十至四十多元，也算便宜。同事教路，光顧這類平價小炒，除非曾經光顧，否則應盡量點些「大路」菜式，避免點些貴價海鮮或其他特色小炒。最後我們點了幾道家常小菜便是。 椒鹽肉排：肉排份量不算少，雖然沒有椒鹽菜式應有的乾身，但味道總算是不錯。 味菜炒鮮魷：如坊間一眾食店，味菜數量比鮮魷更多。味道方面，鮮魷如我所料有吃得出的雪味；而味菜也真的很夠味。顯然在水準之下。 豉汁蒸倉魚：不吃貴價海鮮，最後也點了蒸倉魚。倉魚以傳統的豉汁蒸，還配上家庭常用的銀色圓碟，很有住家飯風味。味道不算突出，但勝於火候掌握得頗佳，不會蒸得過老。 椒鹽

喜歡四圍去搵食，不論是隱蔽的、不太衛生的，我都照去可也。咁樣誤打誤撞，失敗既機會率自然相對提高，就好似今次。來到駱克道的熟食市場，知道苑記的粥品不錯，但是日不想吃粥，就行過隔離的達記，試試水準又如何。原來沒有下午茶餐供應，只得炒粉麵飯，就簡單一個沙爹牛肉炒河、一杯凍奶茶。凍奶茶先上，用紙杯裝，感覺奇怪。再喝一口，第一啖已經飲到 “奶茶水”既味道，即是平時喝到最後冰融掉那種乏而無味的感覺。點解第一啖就會咁架?什麼奶味茶味平唔平衡，更不用多說。沙爹牛肉炒河粗枝大葉咁，上台已知唔對路。果然，牛肉是化學制成品；我喜愛的青椒亦是硬而不爽，欠缺鮮甜；菠蘿味道又酸又澀，難以入口。至於河粉，碎濕濕的，食幾啖都無心機再食。呢碟牛河，我頂多吃了四分之一。好耐未食過咁低水準的食物，我想是但走入一間餐廳食肆，也不會有這樣差的出品，算是我黑仔吧！

金鐘區萬物騰貴，返工 lunch 少不免要捱飯盒，自從位於遠東的孖寶關門大吉後，同事們各自發揮 "搵食" 這種天生技能，灣仔駒記兩餸飯、潮州 8 廿蚊燒味飯，這些海嘯中的福音相繼出現，連送外賣既阿姐轉會後 (跳槽) 也專誠拿新東家的外賣紙給我們宣傳一番，這次拿到的正是駱克道街市的達記。沒錯，達記位於灣仔區，想不到竟願意千里迢迢送外賣到金鐘區，價錢方便當然是熟食市場價，$24 一個飯，跟例湯，餐單日日新款，外賣十盒以上更有九折優惠，由於價格吸引，同事們反應湧躍，我也點了常吃的薯仔炆雞飯湊湊熱鬧，可惜...負責落單的同事千叮萬囑要 12:30 將飯盒送到，但時間一分一秒的過，12:50 仍不聞樓梯響，逐致電達記查詢，卻屢次無人接聽，1:00 打得通電話，更慘遭疑似老闆 cut 線，飯未食先有一肚火的前菜，材料確其豐富! 再隔五分鐘，外賣終於到達，足足遲了三十五分鐘，錢是收足，驗貨時卻發現漏了兩杯凍飲... 災難一個接一個緊接登場，某同事跟我一樣點了炆雞飯，他打開飯盒後即大叫一聲 "四隻雞翼尖?!!!!"，一盒純以雞翼尖娛賓的飯盒甚為嚇人，我的也好不了多少，兩隻雞翼尖加上一些只有骨沒有肉的雞

經歷過一次慘痛嘅教訓, 師傅再接再厲, 再黎呢度嘅另一間食店, 睇下又有咩結果! 今次特登行遠少少, 就黎左呢間食店, 坐底就即刻叫左碟黑椒豬扒飯同熱華田! 黑椒豬扒飯嘅黑椒汁唔算好辣, 加上唔夠香, 一般; 而豬扒就四件仔, 咬口好韌, 唔多好味, 唯一好就係有辣椒粒, 皆因係天椒, 所以辣得好好味; 而熱華田就唔得, 但就係唔知咩唔得, 總言之一句就係唔好飲!總括黎講食物質素唔算得, 環境普普通通, 價錢就算係平, 廿三蚊一碟飯, 凍飲加一蚊, 檸檬加兩蚊, 一般抵食, 今次師傅又再買多個教訓啦, 呢一間肯定冇下次!

中午同D同事去吃左一次,感覺好差.叫左三個碟頭飯,但等左三個字先來第一個.再等左兩個字先來個兩碟，但系錯曬。雞絲炒河同牛肉炒米，變左炒牛河同另個一個有雞有牛的炒米。我地話錯左，個夥計個態度又唔好，話我地無講清楚。算了，趕時間，錯左都吃，但系Ｄ野好油好油，又無味。哎～以後都唔會再去。

7位人仕點了7味小菜,我們因人多老闆說飲料免費,於是喝著飲料聊聊天等吃飯,可等了60分鐘後第一味菜'咸蛋蒸肉餅'來了,碟小菜竟然搞錯了為小份量,7位血氣方剛正值壯年的男子,每人小吃一口也輕易吞沒,於事某員工說了對不起後我們也沒追究,還立即奉上7大碗白飯,不消5分鐘所有能吃進五臟廟的都祭祀了,我,13少,提少更潻加了不少祭品,如是者15分鐘才上第二味'時菜牛肉',情況也是一樣,餘下五道小菜豈不等上90分鐘因只能吃了兩道所謂小菜,味道一般略重味