Cafe Paradise (已結業)

今日我放工去試左1間新既西餐廳(Café Paradise)，餐廳雖然細，但都多人等，好左我地預先Book左位啫! 餐廳氣氛幾好，柔和燈光加埋個裝修都幾浪漫，我特別鍾意門口個餐牌，好得意~連個鼻都想食既意大利飯1打開餐牌，中間有個拉開既摺紙，好似係旋轉木馬咁，我勁鍾意~ 我就叫左我既最愛–黑松露野菌意大利飯，可以比較下佢同其他餐廳既水準麻~ 賣相都唔錯，黑松露亦好香，整個配搭好好，意大利飯又有啲煙煙韌韌，非常有口感，醬汁好濃味、好幼滑，非常好食，同出名既意大利餐廳有得fight，連個鼻都想1齊食~香脆鹹滑既雞翼另外，我仲叫左一個芝麻雞翼，雞翼炸得好香脆，上面洒左芝麻，食落好鬼香，鬆脆既雞翼入面，仲有香滑既肉，味道偏鹹少少，我就好啱食，好好味架!紅酒配美人對於鍾意抗氧化既我嚟講，1杯紅酒就最適合不過，呢間餐廳都好平咋，1杯紅酒都係60蚊，雖然杯紅酒酸味少易入口，但品質只屬1般，配合整個西餐，就更有氣氛，又令味道提升，所以都可1喝。呢間餐廳水準都唔錯，食物夠惹味，服務又好、又貼心，下次帶Honey再嚟呢度食~ 推介呀~