Cafe Paradise (已結業)

陪媽咪去太子探親戚後, 親戚推介佢家附近既Cafe Paradise, 既然媽咪都鐘意西餐, 咁就去試試啦!入到去, 有一種新婚夫婦屋企既感覺, 好多相, 好多裝飾, 好SWEET同好WARM~連餐廳牌都係我從未見過咁可愛! 一開, 有個城堡彈左出黎, 好得意呢同媽咪點左兩個晚餐-豬手餐&煙三文魚蜆肉忌廉天使麵餐, 再加左個煎墨魚餅做小食~當日餐湯係西蘭花忌廉湯, 成碗野青色, 好得意, 雖然有D稀, 但味道都唔錯!之後煎墨魚餅都黎啦, 有3大塊, 即煎, 食到一粒粒墨魚而煙三文魚蜆肉忌廉天使麵味道都唔錯, 雖然唔明白點解唔將煙三文魚卷成一朵花, 而係切碎左豬手只有半隻, 但豬皮焗得香脆, 而肉亦整得夠腍, 雖然肥左DD, 但都OK呢~飲品呢~我地都加左錢轉特飲, 媽咪既玫瑰牛奶真係好香, 但我唔太鐘意佢帶左D甜味~而我薄荷朱古力都幾香幾濃, 好似食緊某牌子既薄荷朱古力咁甜品方面, 益力多雪糕真係唔太岩我既口味, 但加錢轉既心太軟反而唔錯, 都係甜左少少~雖然Cafe Paradise未算超級好味, 但係太子區既一間小店黎講, 食物同服務都真係唔差嫁