影片
更多
2023-09-21
66 浏览
好開心今日又到左週末嘅時候，決定要同朋友食餐好嘅，知道灣仔附近有一間食日本嘢好出名就去試吓地理位置十分方便地鐵站一出行6分鐘就到，店舖位於囍帖街附近所以好易搵，一坐低我哋嗌咗兩個飯，分別係軟殼蟹天丼同埋江戶前天丼，一上菜，份量超級無敵大，我嗰碗包含咗海老，天婦羅餅，溫泉蛋海苔仲有穴子，咬落去好肥美而且唔會太多粉，因為食呢一種食材會擔心會有好多粉包住嗰樣材料，而呢一種口感比我嘅感覺恰到好處唔會太過油膩，而且佢個定食配左珍珠米同埋一個紫菜豆腐麵豉湯，而小食方便我哋點咗個炸物菇，正正常常，而另外一個軟殼蟹飯，入邊嘅配料同之前一樣，比較特別嘅係溫泉蛋，佢咬落去流心嗰種感覺，用嚟撈飯食簡直係一流，而且軟殼蟹炸得好鬆軟，咬落去淡淡肉，肥美鮮甜，口感豐富，而佢仲有一個特別嘅茶係用嚟解渴，佢哋叫用黑豆製造嘅黑茶，飲落去好清甜解渴，當你食完比較油膩嘅嘢飲一啖就會中和返個味道。希望下次試埋其他丼飯
张贴
