菊月町

营业中

休息中

聖誕節，當然要提早帶媽咪出嚟食一個聖誕大餐，一個性價比極高嘅鐵板燒就啱晒佢啦👍🏻匠人料理 鐵板✨前菜前菜三小品有鱈魚乾、枝豆、螢光魷魚乾。魚乾燒得香口，薄脆，可以點上沙律醬更加和味。另外更加配上沙律同茶碗蒸，茶碗蒸滑溜溜的，蛋香味出眾，可以見到店舖嘅誠意爆棚！✨銀鱈魚嫩白嘅銀鱈魚外皮煎得金黃，肉質甜美，滲出淡淡的牛油香氣。✨廣島蠔蠔肉煎得份外美味，其肉質豐滿、鮮美，口感令人滿足 。底部襯上櫻花蝦煙肉碎，鹹鹹香香的。✨原隻虎蝦橘橙色嘅蝦殼鐵板燒得相當香口，蝦肉已分成一件件，方便進食而且食落爽口，加上少少岩鹽嘅調味足以提鮮，小編食到津津有味✨美國牛板腱食落感覺唔會油膩，牛味頗重，脂肪分布平均，肉質粉嫩，食落去都幾軟腍腍。配上時令鐵板配菜：蓮藕、秋葵、粟米芯、雞髀菇。✨時令鐵板配菜、炒飯米飯粒粒分明，煙肉炒得好香，特別叫咗廚師小飯，免得浪費。✨湯及甜品湯品鮮甜，鹹香適中，剛好用嚟暖暖胃特別舒服。最後送上兩件抹茶缺餅，解一解油膩，清清涼涼的，毫無罪惡感。