Pizza Piazza (已結業)

昨天，去了荔枝角辦事，返回地鐵路上，剛巧經過一間專賣Pizza意粉小店，見價錢不貴，又係午飯時間，想想自己都有點肚餓了，所以，就走入去幫襯。裝修簡單，兩邊牆壁上放了幾幅大畫，讓人舒服沒有壓迫感。我隨意選了其中一面就坐下，叫左一個set lunch. Set lunch有意粉或pizza 可選，配飲品及洋蔥湯。都係78蚊左右。價錢都算合理。而且，你可以加錢，加雞翼或薯條等。呢個抵食。我叫左黑松露大蝦Mancini超粗意粉。黑松露味濃，大蝦味道可以，意粉煮得軟硬適中，食落都唔錯。一般餐廳都是白湯或羅宋湯，呢度較特別，是洋蔥湯。味道也可以。我叫左個凍泡沫咖啡，上面層泡夠厚身，而且又唔會太稀。吃飽後，感覺十分滿足。