Hungry Monkey (金朝陽中心二期 - Midtown) (已結業)

朋友知我鍾意食日本野，特登揾間正野，要開心share喎餐廳唔算大，大約有20個座位左右，仲有高枱位置，可以睇住師傅整鐵板燒。前菜係比目魚沙律。比目魚微微煎過，沙律菜新鮮爽脆，重點係柚子汁，酸甜適中，非常開胃。清酒煮蜆，煮法好得意，開頭以為點解會有個禮物包喺鐵板上邊，一拆禮物原來係脹卜卜嘅蜆，蜆肉飽滿無沙，淡淡酒香，唔錯。松葉蟹肉甲羅燒，上枱擺盤有趣，蟹膏蟹肉蟹籽份量唔少，配合埋青瓜片食，味道好夾，好有口感。日本章魚御好燒，係呢期好受歡迎嘅菜色。樣子好似大阪燒，以為章魚細細粒，但每口都可以食到章魚，而且好彈牙，粉漿好薄，唔會痴口，仲可以自己加入薑絲同紫菜，真係好出色，唔怪之得係大熱菜色。食物真係好出色，色香味俱全，朋友果然無介紹錯呀。