影片
更多
2022-07-08
573 浏览
今日終於可以同朋友去食返餐好，今餐係我期待咗好耐嘅鐵板燒，朋友同我一早就book定位，一放工就一枝箭咁衝去餐廳一去到餐廳，已經俾佢個鐵板燒嘅吧枱吸引住，好彩book咗位可以坐吧枱，師傅同你嘅距離超近，可以睇住師傅為你炮製美食真係一件賞心樂事餐廳分咗幾個價位嘅一人鐵板燒餐，我同朋友揀咗$798呢一款，事後覺得果然無揀錯首先就係有三樣前菜，分別係豆腐、茄子同雞肉刺身，豆腐豆香味濃，茄子配合埋木魚加上佢嘅特製醬汁，口感好豐富，雞肉刺身超級細滑跟住就係海葡萄沙律，比較少地方食到呢個海葡萄，佢嘅口感卜卜脆，鹹鹹地好鮮味！然後就到茶碗蒸，茶碗蒸聽個侍應講係用黑松露油去蒸，而且入邊又有好多配料，非常好食！生蠔好新鮮，完全食到海水味，食完好滿足呢三色刺身絕對係無敵新鮮，啲刺身有吞拿魚、牡丹蝦同劍魚腩，每款都好好味呢再嚟又有個帆立貝配菠菜，帆立貝煎得剛剛好，而且好大粒鐵板魚柳，條魚好滑溜，外皮煎得好香脆，入邊啲魚肉又好滑溜然後就嚟到重頭戲，師傅整咗個和牛封門柳，當放入口完全明白乜嘢叫做入口即化，完全係咬兩啖就溶化了，而且肉味好濃郁再去到鐵板炒飯，呢個鐵板炒飯真係集色香味俱全，尤其是入邊啲櫻花蝦好香又脆身
一去到餐廳，已經俾佢個鐵板燒嘅吧枱吸引住，好彩book咗位可以坐吧枱，師傅同你嘅距離超近，可以睇住師傅為你炮製美食真係一件賞心樂事
餐廳分咗幾個價位嘅一人鐵板燒餐，我同朋友揀咗$798呢一款，事後覺得果然無揀錯
首先就係有三樣前菜，分別係豆腐、茄子同雞肉刺身，豆腐豆香味濃，茄子配合埋木魚加上佢嘅特製醬汁，口感好豐富，雞肉刺身超級細滑
跟住就係海葡萄沙律，比較少地方食到呢個海葡萄，佢嘅口感卜卜脆，鹹鹹地好鮮味！
然後就到茶碗蒸，茶碗蒸聽個侍應講係用黑松露油去蒸，而且入邊又有好多配料，非常好食！
生蠔好新鮮，完全食到海水味，食完好滿足呢
三色刺身絕對係無敵新鮮，啲刺身有吞拿魚、牡丹蝦同劍魚腩，每款都好好味呢
再嚟又有個帆立貝配菠菜，帆立貝煎得剛剛好，而且好大粒
鐵板魚柳，條魚好滑溜，外皮煎得好香脆，入邊啲魚肉又好滑溜
然後就嚟到重頭戲，師傅整咗個和牛封門柳，當放入口完全明白乜嘢叫做入口即化，完全係咬兩啖就溶化了，而且肉味好濃郁
再去到鐵板炒飯，呢個鐵板炒飯真係集色香味俱全，尤其是入邊啲櫻花蝦好香又脆身，食到一半仲可以加湯成為茶漬飯，真係一舉兩得
然後又再去到麵豉湯，呢個麵豉湯好濃味，完全真係淆出嚟，唔係用粉開
真係去到最後就係有個綠茶雪糕，呢個綠茶雪糕真係好吸引，又有外貌，味道又好，真係好滿足
张贴
